Lok Sabha MP C Lalrosanga leh BRO Director General inkawm
Aizawl | July 29, 2022: New Delhi-a Border Roads Organisation (BRO) hmunpuiah nimin khan MP (LS) C Lalrosanga chuan Border Roads Organisation Director General, Lt. General Rajeev Choudhary hmuin Mizorama ramri hnaih kawng sial leh siamá¹hat hna chungchangte a sawipui.
MP (LS) C Lalrosanga chuan Kawnpui-Durtlang-Aizawl kawngpuia Km 10.25 a thui Durtlang Leitan-Sihphir kawng zauh leh siamá¹hatna hna Mizoram PWD kuta hlanna tur pawh tifel thuai turin BRO DG chu a ngen.
DG BRO chuan he kawng pawimawh tak enkawlna hna hi PWD kuta hlanfel thuai tum a ni a ti a. Hnahthial-Sangau-Siaha kawngpuia Chhimtuipui Lui chunga leidawhna tur ruahman mek a ni a. He lei panna Km 1 a thui kawng siam hna tiamin leidawhna hna leh a kaihhnawih hnate atan cheng vaibelchhe 75 ruahman niin, Mizoram sawrkar aá¹anga ram leh ramngaw hman phalna dawn a nih veleh sawrkar laipuiah sum mamawhte nawr zui nghal a ni ang a ti bawk.
C Lalrosanga chuan Myanmar leh Bangladesh ramri hrul leh ramri pawhna kawngte sial leh siamá¹hat a á¹ul thu Border Roads hotupa chu a hrilh a. Chutiang atana á¹ul ang angte chu Ministry of Defence hotute hnen lama thlen hmasa zel turin DG chuan MP chu a ngen a ni.
-= DIPR
No comments
He post chungchanga i ngaihdan lo sawi ve rawh: