Siaha; the 18th July 2022: Legal Metrology Department, Siaha chuan Deputy Commissioner, Siaha a tanga thu an hmuh bawhzuiin, kar kalta chhung khan Siaha khawpui chhung leh a hnaivai khua a Sorkar building sak mek te chu an hmanraw hman, a bik takin Iron rod (TMT Bar) te chu a size a tling tha em tih an en kual a, an endik chinah tlinglo an hmu lo.
Building sak zawh thawkhat te chu tlawh tawh lovin structure siam lai chin an en phawt a ni.Legal Metrology dept te hian Noaotlah-a Eklavya Model Residential School sak lai pawh a hmunah kal chilhin, Building hrang hrang sak hna thawktu ten Iron rod an hman te chu an endik a, Deputy Commissioner Office sak lai pawh a hna viltute awmlaiin an tlawh bawk.Meisavaih a Dist. Social Welfare Officer Office tur atana ITDA building sak mek chu an tlawh bawk.Heng an building tlawh-ah te hian an Iron rod lo hman tawh te chu a theihna lai laiah endik niin, hman tura an chhawpsa te pawh a nominal size ang zelin endik a ni bawk.Legal Metrology dept te chuan a theih ang ang a sorkar building sak lai leh sak thar a hmanruate endik chhunzawm zel an tum a ni.
- DIPR
Post a Comment
He post chungchanga i ngaihdan lo sawi ve rawh: