MSL 7 Trophy Zarkawt BCA in chawi!

Aizawl | July 17, 2022: Mizoram Basketball Association (MBBA) leh Zonet buatsaih Mizoram Super League (MSL) season 7 chu nizan khan R Dengṭhuama Indoor Stadium-ah a hmawr bawk a ni a, Zarkawt BCA in champion lai an nihna an humhim a, MSL trophy an chawi haw.

Nizan inkhelah hian Zarkawt BCA hian 81 - 73 in Khatla TBL hi an hneh a, a ṭum lina atan MSL trophy an chawi ta a ni.

Zarkawt BCA hian tum ṭum hi MSL trophy an chawi vawi 4na a ni a, nizan khan chak chu nise vawi 2 champion tawh Khatla TBL hian Zarkawt BCA nen an champion zat a inang chiah dawn a ni.

MSL 7 hma khan Zarkawt BCA 3, Khatla TBL 2 leh Mission veng Vikings 1 an champion tawh a, heti hian, Zarkawt BCA 4, Khatla TBL 2 leh Mission veng Vikings 1 a ni ta a ni.

MSL 7 ah hian champion hian cheng 2,20,000 an dawnga, 2na in cheng 1,10,000 an dawng a, 3na in 55,000 dawngin, 4na in 50,000 an dawng a, 5na in cheng singli leh 6na in 35,000 an dawn a ni.

Tin, hemi bakah hian Inkhelh ni apianga inkhel en man  pawisa tling khawm  atangin club-te’n  chan  an  nei thin a ni.

MSL 7:-

Champion - Zarkawt BCA

Runners Up - Khatla TBL

3rd Place - Mission Veng Hotshots.

4th Place - Tuikual South Basketball Club.

5th Place - Chanmari Vikings.

6th Place - Chawnpui Basketball Club.

• Most Valuable Player - Joseph Allen, Zarkawt BCA.

• Defensive Player of the League - Michael Liansanga, Khatla TBL.

• Rookie of the League - Lalrozama, Mission Veng Hotshots.

• Fair Play - Chanmari Vikings.

• 6th Place Chawnpui BC te MSL atangin an relegate.

Division 1 atangin Club pahnih (2) Khatla South Barons leh LB Associates Bungkawn ten MSL an rawn kai thar.

MSL 8 ah hian club paruk atangin pariat ah tih pun a ni. Tuna khel mek no. 1-5 leh Division 1 atanga club 2 te nen club pasarih (7) chiah anni.

Club pakhat(1) la awl awm hi District Basketball Association quota atan dah a ni a. July thla tawp, a ni chiah la hriat rih loh ah District pasarih(7) ten an inchuh dawn a ni.