Sawrkar hna thawk pension rawih nawn tumna awm a tawp thlenga dodal MZP-in rel

W. Lungdar Middle School buaina chungchanga MZP Sub-headquarters, W. Lungdar hmalakna thlawp

Aizawl | July 22, 2022: Vawiin Ni 22, July 2022 (Zirtawpni) Chhun dar 12:00 hian MZP General Headquarters Executive Meeting neih a ni a. Meeting ah hian Pension rawih nawn chungchang leh W. Lungdar Middle School chungchang te rel a ni. Meeting hi Pu Lalnunmawia Pautu, President in a kaihruai a ni.

Meeting chuan tun hnaia Cooperation department hnuaia pension tawh rawih nawn tumna a awm chu a hrethiam lo hle a. MZP chuan pension rawih nawn hi a rem ti lo a, a dinna ngaiah ala ding reng a ni. Pension ruai nawn lo tur hian thuneitute hnenah ngenna thlen a ni tawh a, MZP ngenna in awmzia a nei lo a, pension rawih nawn tumna a awm hi a tawp thleng dodal turin hmalak nise tiin meeting chuan a rel a ni.

MZP chuan W. Lungdar Middle School buaina chungchang an ngaihtuah a, hemi chungchanga MZP Sub-headquarters, W. Lungdar hmalak tawhna, School building sak chhe lutuk chhutchhiat a lo nih tawh dan te, zirlaite himna tura hma an lo lak tawhnate chu ṭha a tiin thlawp zel nise tiin a rel a. MZP chu zirlaite tana ding a nih angin kan ramah zirnain hma a sawn theih nan a ṭul anga hmalak zel nise tih a ni.

MZP chuan tunhnaia MZU hnuaia Degree course hrang hrang result chhuaka, hlawhtlinna chang MZP chhungkua, College SU leh Hnampual zirlai pawl hruaitute lawmpuina, hun remchang hmasa berah hman nise tiin a rel bawk.