"Raltlan an lo lut tam tial tiala, ruihhlo man a tam tial tial" - CYMA Vice President

Aizawl | July 30, 2022: "Raltlan an lo lut tam tial tiala, ruihhlo man a tam tial tial" tih Central YMA Vice President Lalhmachhuana chuan nimin khan Lungleiah a sawi a, Kum 2020 January leh May inkarah Heroin KG 20 leh Gram 814 man a ni tawh a ti.
 


(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
 
 
Nimin khan Central YMA Vice President Pu Lalhmachhuana chuan LESDE leh Central YMA tangkawpin Central Scheme puanzarna Programme, Lungleia an buatsaihah thu sawiin, Pathianin Ram min pe a, a chhungah a enkawl turin Mizote min dah mai a ni a ti a. kum 2021 February velah raltlan kan nei tan chho a, an lo luh belh zel a, Raltlan an lo lut tam tial tial a, ruihhlo man a tam tial tial tih  a sawi a. A tirah Chief Minister hnena an ngenna, relief Camp mumal tak siama awm khawm tir chu tunah chuan a ni ta lo tih sawiin, tunah chuan khawnge an awm? An tla darh nuai nuai a, Sawrkar data leh YMA Data leh anmahni raltlan ho data pawh a inmil tawh lo a ni a ti.
 


Ruihhlo a hluar hle tih Central YMA Vice President chuan sawiin, Kum 2019 ah Heroin kG 23.700 vel Mizoramah man a ni a, 2020 ah kg 20.360 man niin, 2021 ah Kg 34.567 man niin, kum 2022 January leh May thla inkarah Heroin KG 20.814 an man tawh a ni tiin, kumin ah hian Kg 40 kg 50 chuang an man ngei dawn a ni tih a chiang a ti bawk. 

Kalpahin remchangah ruihhlo hi an rawn paipawn ngei a ni tih hi a mantu Police ten an hrechiang tiin,  Kan khawngaihtur a ni a, kan lo tuamhlawm tur a ni a ti a. Amaherawhchu, kan thatna hi ruihhlo hmang hian min rawn thungrul tur a ni lo a ti.


- JB Lunglei

No comments

He post chungchanga i ngaihdan lo sawi ve rawh:

Powered by Blogger.