BURMA | Tahan (Kalay Region) a raltlante tanpuinan 'Mobile Charity Concert' buatsaih

 
Aizawl | July 30, 2022: Burma buaina kal meka Tahan (Kalay Region) a mahni in lum leh an khaw luah ngam lova ram hnuaia raltlante tanpuinan Vawiin chhun khan Aizawl khawpui-ah 'Mobile Charity concert'  buatsaih a ni. He hunah hian zaithiam lar tak takte an zai.
 
 
 
Thudawnnain a tarlan danin vawiina charity concert-ah hian cheng 92,860/- hmuhchhuah a ni a.
Charity Concert hi Aizawl Hmar lam atangin August 6, leh August 15 ah te hian buatsaih leh tum  a ni.


Raltlante tana vehbur khawnna hi MZP, MZI, MDM, PUMP leh NGO United for democratic Myanmar ten an buatsaih niin, Zaithiam lar tak takte an zai a, Raltlante tan a thlawnin an inpe a ni.
 

(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

Charity Concert hi chawhma dar 11 a ṭanin Thakthing kawnah ṭan a ni a, Dar 12:30 khan Sikulpuikawnah insawnin, Chawhnu dar 2 khan Khatla kawnah hun hmang lehin, Dar 3 vel khan Tennis Court-ah hun an hmang leh a, hetah hian a tawp an khar a ni.
Thakthingah hian chawhma dar 11 ah hun hman tan a ni a, MZP Vice presisent Andrew F Lalramnghaka'n hun kaihruaiin, Central YMA president R Lalngheta leh NGO United for Democratic Myanmar aṭangin thusawi tawi ngaihthlak a ni.
Sikulpuikawn- ah hian chhun dar 12:30 ah hun hman ṭan a ni a, MZP general secretary Jacob Lalmuanpuia'n hun kaihruaiin, MZP Adviser C Lalrokhuma leh MZI aṭangin thusawi tawi ngaihthlak a ni,.

Khatla kawn-ah hian chawhnu dar  2:00 velah hun hman ṭan a ni a, MZP Asst. general secretary Chinkhanmanga Thomte-in hun kaihruaiin, MZP Adviser F Lalnienga leh MDM aṭangin thusawi tawi ngaihthlak a ni.

Tennis Court-ah hian tlai dar 3 velah ṭan hman ni a, MZP treasurer  Sanghmingthanga'n kaihruaiin, PUMP  aṭangin Pu Aitea Ralte hnen atangin thusawi tawi ngaihthlak a ni.
Vawiin raltlante puala concert ah hian Michele Varte, Lalthlengliani Jongte, Siampuii Ralte, Zoramchhani, Lalramchana, Vanlalhmangaiha, Hmangaiha, samuel Renthlei, Michael Khiangte leh zaithiam dangte an zai.



(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]



(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



EXPLORE MIZORAM
email: admin@exploremizoram.com






[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Website leh a hnuaia fakna hi lo hmet ve rawh.)

Post a Comment

He post chungchanga i ngaihdan lo sawi ve rawh:

Previous Post Next Post