Phunchawng BCM Biak In bul lei min mai thei thianfai dawn; Hna thawh chhungin lirthei in kal chhawk dawn

Aizawl | July 28, 2022: Phunchawng BCM Biak In bul lei min mai thei awm chu nakltuk zing dar 10 atang hian thenfai a ni dawn a,  Hna thawh chhungin lirthei in kal chhawk dawn.
 
Hemi chungchangah hian, Mizoram State Sorkar Notification No.B.12021/10/04-TRP Dt.22.8.2008 leh Section 115 &117 of MV Act, 1988 in thuneihna a pek angin, Deputy Commissioner & Chairman, District Disaster Management Authority, Aizawl District leh thuneitu dangte biak rawn a nih hnu ah Pu Rodinglian Chawngthu, Sr. Superintendent of Police, Traffic chuan, Phunchawng kawng chhak leimin mai thei thenfai turaqh lirthei tlan dan tur thuchhuah a siam.

Phunchawng khawchhung; Mizoram Baptist Biak In bul, kawng chhak lei min mai thei a awm chu chhiatrupna a thlen loh nan Ni. 30.7.2022(Inrinni) Zing dar 10:00 atangin thenfai hna thawh a nih dawn avangin hnathawh hun chhung hian helai kawng ah hian lirthei in kal chhawk a ngai dawn a, (LMV) leh a hnuailam te chu Sakawrtuichhun – Lungverh lam ah a kal theih ang.

A hmuna Traffic Police duty ten a tul dan a zirin ruahmanna an siam thei bawk ang.

Post a Comment

He post chungchanga i ngaihdan lo sawi ve rawh:

Previous Post Next Post