NH 302 kawng chhe lutukin thinrimna chawk chhuak!; Kawng siamṭhat nan July 29 thleng hun pe!

NHIDCL in Nunna chante zangnadawmna pe ngei rawh se - YMA

Aizawl | July 28, 2022: Lunglei to Tlabung NH 302 kawng laih mek chu a chhiat lutuk avanga lungawi lovin vawiin khan Young Mizo Association, Khawthlangtuipui Group, Tlabung, Zodin, Chawnpui Branch Office Bearer’s Emergency Joint Meeting an nei a, Kawng siamtute chu July 29 ral hmaa kawng siamṭha turin an phut.

 

(He website kal zel theih nan hian fakna lo langte hi i lo hmet ve thin dawn nia.)

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

 

July 28 leh July 29 chhunga an siam loh chuan an chungah YMA Khawthlangtuipui Groupin mawh a phur lovang, tiin thu an chhuah.

YMA Khawthlangtuipui Group hian kawng siamtu NHIDCL chu Kawng chhiat avanga nunna hial chan ta Lalmalsawma (Driver) Lunglei Ramthar leh R Lalthantluanga, Chhipphir khuate hi zangnadawmna pek ngei an phut bawk.

Thuchhuah chuan, "Ni 28 leh 29, Vawkhniakzawnthla,2022 (Nilaithawhtanni leh Zirtawpni) ni hnih chhung hian Lunglei to Tlabung NH 302 kawng laih mek hi, a laitu NHIDCL leh a hnuaia thawkte’n a chhelai siam that hna an thawk lo a nih chuan an bungrua leh an chungah eng pawh thleng se, Young Mizo Association Khawthlangtuipui Group chuan an chungah mawh a phur lo vang." a ti a.

"NH 302 kawng laih avanga leivung paihna mumal loh avanga kan lui tuite’n a tuar avangin, leivung paih pawh hi dan dik taka paih tura hriattir an ni bawk. Kawng chhiat avanga nunna hial chan ta Pu Lalmalsawma (Driver) Lunglei Ramthar leh Pu R Lalthantluanga, Chhipphir khuate pawh hi zangnadawmna NHIDCL hian pe ngei bawk se, kan ti." tiin an tarlang bawk.

Kawng chhiat vanga lungawi lohna avang hian July 30 zing dar 10:00 hian YMA, Khawthlangtuipui group hnuaia branch hrang hrangte leh Truck Pickup Owner’s leh MaxiCab Welfare Tlabungte “HNATLANGPUI” an kova, memberte kim taka kal turin an insawm a ni.

 

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]