Mizoram Leilung leh a hausakna humhalh duhin thalai rualin kawng zawh

"Hmasawnna kan duh a. Kan Environment tih chhiat erawh kan phal tawh lo."
 
Aizawl | July 19, 2022: Youth for Environment Justice Mizoram (YEJM) leh Aizawl City College Joint Students Union (ACCJSU) huaihawtin vawiin khan Thalai rual te'n Mizoram Leilung leh a hausakna humhalh duhin kan an zawh a, "Hmasawnna kan duh a. Kan Environment tih chhiat erawh kan phal tawh lo." an ti.
 
 


Zirlai rualte hi Vanapa Hall Kawtah pungkhawmin, YEJM Convener Vanramchhuangi (Ruatfela Nu) thu a sawi a, kawngzawh tanain, tuikhuahtlang-a EF&CC Office kawtah zirlaite hi an aurual a, hemki hnu hian NHIDCL Office an au rual leh a ni.

Zirlaite kalkhawmte hian Mizoram kawng sial vanga Lui dung bakah ramngaw leh nungchai an tuar chu pawi an tih thu leh an hriatthiam loh thu an auchhuahpui a. Mizoram leilung awm dan leh tui nut hun te NHIDCL hotute'n an hrilh ngai lovin thalaite'n kan ram dinhmun kan hriat thu an auchhuahpui bawk.
 

Youth for Environment Justice (YEJM) leh Aizawl City College Joint n Students’ Union (ACCJSU) tangkawpin Mizoram Environment tana rorelna dik kawng zawh pui  (Environment Justice Rally) huaihawtin, Kan Environment derdep sa tak, development  project lian tam tak dan loa kalpui a nih avanga chhe mek zel humhalh a, siam tha leh tura nawr an tumna bul tannaah a ni.
 
“Kan Environment hliampui tuar mek hian chhantu a mamawh a, nang leh kei kan pen chhuah hi a hun tak zet tawh a ni.” tiin Youth for Environment Justice (YEJM) leh Aizawl City College Joint n Students’ Union (ACCJSU) chuan sawmna an siam-ah an tarlang ani.
 
 RESOLUTION
Heng a hnuaia zir chiannate’n Mizoram environment dinhmun a hmuh chhuahte avang hian leilung, leilungin min pek thing leh mau leh a chhunga nungcha, lui kawr leh tuihna, lui te leh lui lian tichhe thei hmalakna reng reng, Environment Impact Assessment (EIA) Agency/Institution rintlak takin a tih loh chuan kalpui kan duh tawh lo. 
National Mission for Sustaining the Himalayan Ecosystem (NMSHE) hnuaia Indian Institute of Science leh Indian Institute of Technology te’n, Himalaya tlang dunga state awm zawng zawngte climate change-in a nghawng dan an zir chiannain a tarlan danin, Mizoram chu heng Himalayan state zawng zawng zingah sik leh sa inthlak danglam avanga state dinhmun derthawng zinga pahnihna a ni. Zir chianna chuan “Mizoram environment chuan hliampui a tuar mek a, chhe rup thei a ni” tih a tarlang tel bawk a ni. 
India State of Forest Report (FSI, 2021)-in a tarlan danin, Mizoram chuan 2019-2020 chhungin ramngaw 185.51 sq. km. lai mai kan hloh a ni.
Science and Technology Department zir chianna, 2019-in a tarlan danin, kum 15 hmalam chhunga khawvel pum lum belhna chu 0.6° C- 2.5° C a nih laiin Mizoram chu 2.75° C-in a lum belh a ni. 
The Indian Space Research Organisation (ISRO) chuan, kum 2021-ah khan India state zinga khawro (desertification rate) chak ber 10 a thlan zingah Mizoram hi hmarchhak ram zingah a khawro (desertify) chak ber a ni.
Mizoram chhunga hmasawnna (Development) project duan a nih dawnin Environment Laws-in a phut ti hmasa lo leh zawm loa hmalak kan duh tawh lo.

Hmasang  atanga kan hnam ziarang leh nunphung, khuarel (Nature) nena inzawm tlat hi thangtharte’n chawi nun leh kan duh. 

Ecosystem hrang hrang – wetland (Lui leh dil), grasslands (Phulhmun), leh ngaw hrang hrangte hian nunna inkhaidiatah mawhphurna bikna leh dinhmun pawimawh tak an nei vek a. An nihna anga humhalh hi kan duh.

Hmasawnna kan duh a. Kan Environment tih chhiat erawh kan phal tawh lo.
 
 
 
 
 
Mizoram leilung leh a hausakna humhalh kawng zawh pui
AU HLA (SLOGAN)
Hruaitu: Hmasawnna kan duh
Mipui: Environment humhim pawh kan duh
 
Hruaitu: Engin nge kan chenna Mizoram leilung tichhia?
Mipui:Hmasawnna khingbaiin
 
Hruaitu:Hmasawnna khingbai eng nge?
Mipui: NHIDCL
 
Hruaitu: Tuihna siamtu eng nge
Mipui : Ramngaw leh nungcha
 
Hruaitu:Tute nge ramngaw leh nungcha tichereu?
Mipui: Environment humhalhna dan bawhchhetute’n
 
Hruaitu:Kan ram leilung leh a hausakna hi tu ta nge?
Mipui:Kan thlah lo awm zel turte
 
Hruaitu:Kan environment tan eng nge tih tur pawimawh? 
Mipui:Environment dan bawchhetu HREM ngam 
 
Hruaitu : Pathianin kan tualto thing leh mau, nungcha leh ramhmul min pekah hian kan lungawi tawk em?
Mipui: Lungawi tawk e
 
Hruaitu : Ram dang thing leh mau leh pangparte lakluh 
Mipui : Kan duh lo
 
Hruaitu: Mizoram environment ngaihsak lo sorkar..
Mipui: Kan mamawh lo
 
Hruaitu:: India ram Institution tha ber ber zirchiannain Mizoram environment hi hliampui tura chherup thei tih a hmu chhuak a. Engtin nge kan tih ang?
Mipui: Virgin Forest thiah ngai hmasawnna hna thawh tawh rih loh
 
Hruaitu: Khawvel pum lum chakna aiin..
Mipui : Mizoram lum chakna a sang zawk 
 
Hruaitu : Chuvangin, thingkung pakhat kit chuan…
Mipui : Pathum an phun nung tur a ni.
 
Hruaitu : Kan lui dung ti baltu bawlhhlawh sawngbawlna tha leh mumal
Mipui: Kan sorkar hian buatsaih rawh se
 
Hruaitu: Nungchate thlamuang taka an awm theih lohna hi
Mipui: State ralmuang kan ti lo.
 
Hruaitu: Khawpui mite’n air gun tha tak tak hmanga sava an veh hi
Mipui: Thalaite’n kan do tlat a ni
 
Hruaitu: Kan ram leilung, thing leh mau leh nungchate hi
Mipui: Kan humhalh tlat dawn!




THLALAK:
















































































































No comments

He post chungchanga i ngaihdan lo sawi ve rawh:

Powered by Blogger.