Aizawl | July 31, 2022: Mizoram Football Association (MFA) buatsaih LBS suzuki Inter Village Football Tournament 2022 khelh zawh taka mawi lo taka chete laka MFA in hremna a tihchhuah-ah Referee lam an lungawi lo niin EXPLOREMIZORAM.COM chuan thu a dawng.
Thudawnnain a tarlan danin, Referee te hian hma lak an tum a, August 9 MFA thu ngaihchan an tum a, hemi hnua an pawm theih tur hmalakna a awm loh chuan na taka hmalak zui an tum!
August 2 aṭangin Referee ten an duty na ah badge dum an bel dawn!
Referee lam chuan, Naktuk dar 10-ah MFA-ah hremna na zawk lek a nih theih nan lehkha thehluh an tum a, Ni 9. August. 2022 thleng ngah a ni dawn a. Hemi hnua hmalakna kan pawm theih tur siam a nih loh chuan na taka hmalak zui an tum a ni.
Referee kutthlak a ni chung leh Referee report ah pawh chiang taka ziak a ni chunga inhremna tih tham pawh ni lo hremna lekkawh a nih hi Referee Welfare chuan a hrethiam lo em em a. Kan thil phut te tih hlawhtlin a nih ngei theih nan leh kan lungawi loh zia lantir nan MFA leh a hnuaia DFA- Zone hrang hranga I-Day football a referee duty ten Ni 2. August.2022 aṭangin an duty na ah ṭheuh 'Badge Dum' bel tur a ni, tiin thuchhuah an siam a ni.
Aizawl District Football Association (ADFA) in 2019 ah NECS cup khelh zawha hremna a lek kawhte en chuan tuna MFA in hremna a lekkawh hi a nem hle a.
ADFA chuan thil tisualtute - Coach, LC member leh teamte kum 3 a hrem a, Player kum 2 a hrem laiin, MFA chuan match hnih leh match thum chauh a hrem a, hemi awmzia chu August thla chhungin tournament MFA leh a hnuaia inziaklut te buatsaih match thum emaw match hnih a khelh loh khan MFA hremna hi a zo der dawn tihna a ni. (MFA hremna kimchang HETAH a awm e.)
Tin, MFA hian Armed veng south chu, "Mizoram Football Association-in a buatsaih/ a hnuaia Unit/DFA buatsaih khúa leh veng inelnaah ṭum hnih khel theilo tura hrem an ni." tih chauhim a hrem a no.
WELFARE THUCHHUAK
Inter-Village khelh zawh taka hremna chhuak chungchangah MFA Referee Welfare Committee chuan thu a pass fel ta a; hetiangin:
➡️ Naktuk dar 10-ah MFA-ah hremna na zawk lek a nih theih nan lehkha thehluh a ni ang. Ni 9. August. 2022 thleng ngah a ni dawn a. Hemi hnua hmalakna kan pawm theih tur siam a nih loh chuan na taka hmalak zui tum a ni.
➡️ Referee kutthlak a ni chung leh Referee report ah pawh chiang taka ziak a ni chunga inhremna tih tham pawh ni lo hremna lekkawh a nih hi Referee Welfare chuan a hrethiam lo em em a. Kan thil phut te tih hlawhtlin a nih ngei theih nan leh kan lungawi loh zia lantir nan MFA leh a hnuaia DFA- Zone hrang hranga I-Day football a referee duty ten Ni 2. August.2022 aṭangin an duty na ah ṭheuh *Badge Dum* bel tur a ni.
*Sd/-*
Secretary
Referee Welfare
Post a Comment
He post chungchanga i ngaihdan lo sawi ve rawh: