LAW & JUDICIAL MINISTER IN MTTA SEASON OPENING CHAMPIONSHIP 2022 HAWNG

Aizawl | July 28, 2022: Law & Judicial leh Parliamentary Affairs enkawltu Minister Pu T.J. Lalnuntluanga’n leh MTTA Chief Patron ni bawk chuan vawiin khan Mizoram Table Tennis Association (MTTA) bultuma MTTA Season Opening Championship, 2022 neih tan chu MTT Hall, Kawlthei Huan, Mission Vengah a hawnna program a hmanpui.
 

Pu T.J. Lalnuntluanga chuan Hripui (Covid) avanga hun rei tak chhung thalai infiammiten an talent phochhuak thei lova an awm hnua MTTA Season Opening Championship, 2022 khelh tan a ni thei ta chu Pathian leh a buatsaihtu, MTTA hruaitute chungah lawmthu a sawi a. MTTA chu National Level thlenga player tha tak tak an chherchhuak thintu an ni chu fakawm a tih thu tarlangin, Sawrkar nen
tangduna tun dinhmun aia sang zawka thalaite talent an pho chhuah zel a beisei thu a sawi. Table Tennis chu a game tuipui ber leh Mizo thalaite tan pawha khawvel pum huapa invawrh lar theihna tur, Zofate pian leh pumrua mil, hmunhma leh sum senso hautak lo tak a ni tiin thalai ten uar chhoh zel tiin a duh thu a sawi.

Season Opening Championship hawnna inkhawm hi Pu Lalhmingliana Colney, Sr. Vice-President MTTA leh Organising Committeee Chairman ni bawk chuan a kaihruai a ni.
 
 
- DIPR

Post a Comment

He post chungchanga i ngaihdan lo sawi ve rawh:

Previous Post Next Post