HSLC 2022 Topper pahnih zinga pakhat Lalramdina Ralte kan belchiang.
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
Ramdina tia koh Lalramdina Ralte hi kum 2006 January Ni 1 khan lalthakima leh Mary Lalneihzuali te fa pathum zinga an mi lai ni turin a lo piang a. An unau hi Mipa 2 leh hmeichhe 1 an ni.
Tunah hian Mission Veng, Aizawl-ah cheng mekin Presbyterian Mission Veng Kohhranah an lawi mek ani.
Ramdina hian St. Paul's Higher Seconday School atangin HSLC Topper 2022 pahnih zinga pakhat zawk ni turin a zir chhuak bawk.
Ramdina'n EXPLORE MIZORAM zawhna a chhanna te i lo chhiar ang.
I lehkha zir dan:
- Tlaiah darkar 1 atanga darkar 2, zanah darkar 2 atanga darkar 3, zingah darkar 2 vel.
Harsatna i hmachhawn dan:
- Pathian zarah harsatna lian tham ka la tawk rih lo hi ka vanneihna a ni a. Harsatna tam tak hi keimahni insiam chawp a ni fo a, phak ang tawka Pathian thu awih hi harsatna awm thei pumpelhna tha tak a ni.
I percentage/letter hmuhna :
- 96.8 % ka hmu a, subject zawng zawngah letter ka hmu ve e.
HSLC 2022 topper nih hi i inring reng em?
- Ring ngam chiah lo. Top ten-a lan ve chu ka inbeisei ru ve.
HSLC topper ni tura i beih dan?
- Kum tir atangin ka hun awl neihah ka zir nghal mai a. Zir tham deuh kan zir atangin ni china ka sawi ang khan tlai, zan leh zingah ka zir a, ka thiam sa hi ka ziak chhuak leh fo thin. Distraction awm lovin consistent deuhin ka zir a ni ber mai e.
HSLC topper ni tura i beihnaah zirtirtu lamin an tawiawm/pui tha chein i hria em ?
- Tehreng mai. Kan zirtirtute hian min zirtir tha a, an tang thei khawp mai. Kan class teacher pahnih Miss Dorothy leh Sir Joy Kumar ten min fuih nasa hle a, topper ni turin min beisei niin ka hria. Primary leh Middle school ka kal chhuahna Mary Mount School zirtirtute'n min support-in min en zui tha em em bawk a, ka lawm khawp mai.
I zirna atana i thiante pawimawhna :
- COVID-19 vanga school kan kal theih loh reng avangin thiante nen kan inkawm hman tehchiam lo a, St. Paul's HSS naupangte hi kan induhsakin kan inngaisang tawn viau a, kei tehlul pawh result tha nei tura min beiseina an lantir thin vangin thiante ka ngaihlu a, chu chu ka thiante tangkaina tak pawh a niin ka hria, anni pawh result tha nei turin ka duh em em bawk.
I duhzawng leh ngainat zawngte:
Rawng: A pawl
Chawhmeh: Alu, dal, salad, a tam mai! ei duh loh em em ka nei lo a, sa-ah chuan Arsa leh bawngsa a ni leh mai!
Incheina: A hun leh hmuna zirin ka inchei dan a dang a ni mai a, zahawm pangngai nia ka hriat angin ka inchei a ni mai e.
Rimawi: Pop
Mizo ziaktu zingah: Zep loah chuan Mizo lehkhabu hi ka chhiar tlem a, English deuh hlir ka chhiar. Ka chhiar chhun tlem mahse, lehkhabu ka pa present-tu Lalhruaitluang Chawngte hi ka duh a nih hi.
Hla: Mawi tih ber sawi a har, a inthlak fo a, tun maiah hi chuan Easy on me, Adele sak hi a ni ang.
Hla phuahtu: Adele a ni leh mai.
Teacher: Teacher te hi ka tan chuan an thain ka ngaina hlawm a, a bika sawi tur ber ka hre lo.
Leader: Abraham Lincoln
Mize ngainat zawng: Zaidam.
Mize ngainat loh zawng - Mahni hmasial
Hobby - Reading, listening to music.
Zawhna dang:
1. A tel lova i awm theih loh: Material lamah chuah mobile phone !!!
2. I nun kaihruaitu: Pathian, nu leh pa leh chhungte
3. Hringnuna i hlauh ber: Fapa hrin manhla lo nih ka hlau.
4. I tih ngai miah loh tur: Ruihhlo
5. Mizo tualzal nuna tha i tih:
- Kan intluk tlang viau hi nuam ka ti.
6. Quote i duh ber :
- "Don't put your purpose in one place and expect to see progress made somewhere else" by Epictetus.
7. Mizote tan fa neih tlem inzirtir hi a tulin i hria em?
- Ti lem lo. Kan tlem em a.
8. Zirna, khawtlang leh kohhran hi?
- Winners don't do different things, they do things differently an lo tih angin, tih tur thliar thiam a finthlak. A mihring a zir.
9. Social media leh nangmah:
- Ka khawih tam lo, khawih ve ang ang ka hmang tangkai viau.
10. Mizoram thalai tam tak tlakchham:
- Tumruhna leh tei rei peihna.
11. Mizo thalaite hian ngaihsan tur dik an ngaisangin i hria em?
- Generalise ngawt chu a ngamawm lo deuh thei, keini ang la naupang tan chuan. Sawi fak lo mah ila, kan dinhmun en hian a chiang mai turah ka ngai.
12. Ngaihsan tur dik nia i hriat:
- Mi dang hmuh leh hriat loh pawha dik leh rinawm, Pathian tih, taima. Josepha ang chi kha.
13. Hlawhtlinna tura pawimawh: Taimak, hrisel, Pathian tih.
14. Hloh i hlauh ber: Nungchang tha hloh
15. Hnam dang nupui pasal neih hi:
- Zep miah loah chuan ka lo la ngaihtuah ngai lem lo a!!!
16. Nupui pasal inneih hmaa mipat hmeichhiatna hman hi?
- A tha lo. Bible ringtute tan chuan a tha nang le.
I thalaipuite tan fuihna:
- Thalai chu kan ni ve ta a ni mai awm a! Sikul naupang nih hi chuan naupangah inngaih reng a awl! Tak tak a, mi dang han fuh ve em tur ka ni dawn em ni? Tuh rah seng tur kan nih vangin kan nun hi uluk hle ila ka ti.
EXPLOREMIZORAM.COM i hmuh dan:
- Thalaite tana hlu, mahni intihlar aia mi dang explore-tu. My best wishes to EXPLOREMIZORAM.COM
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: