Inlaichinna Ṭha
— Rick Warren
— 26 July, 2022
“Pathian ruahmannaah chuan mipa leh hmeichhiate hi an inmamawh tawn a ni.” 1 Korinth 11:11
Inneihna chuan i harsatna a chinfelsak lo che a. Inneihna chuan harsatna a siamsak bawk hek lo che. Inneihna chuan i harsatna a lo hailang a. Mahni chauha i awm lai pawha i harsatna lo ni tawh kha a rawn ti nasa sawt a ni.
Inneih chuan i harsatna a sukiang lo a nih chuan, inneihna chuan eng nge a tih tak? Eng vangin nge Pathianin inneihna chu a hmasa berah a dah si?
Pathianin inneihna a awmtirna chhan chu mipa leh hmeichhe inkungkaihna tur a ni.
Bible in 1 Korinth 11:11 ah chuan, “Pathian ruahmannaah chuan mipa leh hmeichhiate hi an inmamawh tawn a ni” a ti.
Kawppui nei tawh emaw la nei lo emaw pawh ni la. Hmeichhia i nih chuan, i nunah mipa i mamawh; Mipa i nih chuan, i nunah hmeihhia i mamawh ve bawk. Eng vangin nge? Tumah hian Pathian anpui kan nihna hi kan tarlan zawh loh vang a ni. Hmeichhia pawh an tel a, mipa pawh an tel a, kan inmamawh tawn a ni. Chutiang chuan Pathianin min thlunzawm hlawm a. Pathian chuan hmeichhia leh mipaah leh, a nu leh a paah te leh inneihna te a duang chhuak a ni. Pathian ropui a va ni em!
Eng vangin nge Pathianin mipa a siam hmasaka, a hnuah hmeichhia a siam ve leh tih hi i ngaihtuah ngai em? Eng vangin nge an Pahnih chuan a rualin a siam mai loh?
Adama hlawkna turin a ti niin ka hre ber. Adaman a nunah hmeichhia a mamawh nasatzia hrechhuak se a ti niin ka hria.
Genesis 2:18 ah chuan, "LALPA Pathian chuan, mihring amah chauhva awm hi a ṭha lo ve: a mah ṭanpuitu tûr a kawppui âwm mi ka siamsak teh ang," a ti a.
I nun kawng engkimah nangmah ṭanpui tur kawppui i mamawh a ni. Chutichuan inneihna chu a bik taka kawppui neihna a lo ni ta a; chu inneihna chu inkungkaihna a lo ni ta nghal a ni.
Hemi chungchangah hian Isuan eng nge a sawi le: “Nimahsela leilung piantirh aṭang chuan, ‘Anni chu hmeichhia leh mipaah a siam a ni,’ Chu mi avang chuan ‘Mipain a nu leh a pa a kalsan ang a, a nupui a vuan ang; tichuan an pahnih chuan tisa pumkhat an lo ni tawh ang,’ chutichuan pahnih an ni tawh lo va, tisa pumkhat an ni tawh zawk a ni. Chutichuan Pathianin a zawm tawh chu mihringin ṭhen suh se," a ti a.” (Marka 10:6-9).
Tichuan he Pathian Thu hian inneihna chungchang kawng thumin a rawn sawifiah a:
1. Inneihna hi Pathian ruahman a ni a. Kan duh thua kan hnawl ngawt a rem lo a ni.
2. Inneihna hi mipa leh hmeichhe inkar a ni a. An pianphung renga awmze nei tura duan — tu te pawh min duan dan a ni.
3. Inneihna hi tlo tura duan a ni. Nimahsela chutiang chu a ni lo fo si a. Pathian duh dan i tlin lo a nih pawhin ngaidam tur chein a inpeih reng a ni. Amaherawhchu innneih hi chu damchhung atan a ni.
A chunga thil pathum kan sawi takte khi a fir hle a ni tih i hre mai em? Mi tam takin awih lo mah se, thudik a la ni reng!
Mi tam tak chu he inneihna dan piah lamah hian an duhthusam angin an khawsa tlat maia chu chu tunlaia thil thleng dik tak a ni bawk si a. A tak khawvela kan chen miau avangin, duhthusam ang ngawtin a awm theih loh va, duhthusam ram pawh chu a awm lo kan ti ngawt thei bawk si lo.
Pathianin inneihna a buatsaiha i duhthusam ram aṭang chuan kawng a awm a ni. Chu inneihna dan hnuaiah chuan i lut a nih chuan Pathianin inneihna avanga a ruahmansa hlawkna tam tak i tel ang.
Ngaihtuah zui atan
* Kawppui la nei lo tan eng vangin nge inneihna awm chhan hi hriatthiam a ṭul?
* Marka 10:6-9 a kan hmuh inneihna chungchang hi engtin nge Kristian ten hman sual phet kan tum ṭhin le?
* Engvangin nge inneihna hian mimal harsatnate chu a laihlan ṭhin? Kawppui i nei tawh a nih chuan, chung harsatnate chu chinfel dan ngaihtuahpui turin eng nge i tih theih?
[Lettu: Sangpuia]
Post a Comment
He post chungchanga i ngaihdan lo sawi ve rawh: