Ticker

10/recent/ticker-posts

HSLC Top 10 ten Maruti Brezza tlangzarh

Aizawl | July 25, 2022: Mizoram board hnuaia High School Leaving Certicate (HSLC) 2022 exam-a 10-na chin, mi 14-in inrinni khan Mizorama hralh chhuah turin car hriat hlawh tak Maruti Brezza an tlangzarh.


Maruti Suzuki Arena showroom, Edenthar, Aizawlah zirlai beiseiawm rualin an khuh hawng a, Brezza thar hi mi 51-in an hauh lawk a ni.


Mizoram dealer GIG Motors chief executive officer Pu John Lalpeka chuan Brezza chu Maruti Suzuki car chhuan zinga mi a nih thu a sawi a, HSLC exam-a tiṭhate an chawimawi nan khuh hawngtuah an hmang tih a sawi bawk.


[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


2016 aṭangin GIG Motors chuan HSLC exam-a tiṭha, pakhatna aṭanga 10-na chinte chhawmdawlna leh chawimawina kum khat chhung atan thla tin Rs 1000-in, Rs 12,000 ṭheuh a pe ṭhin a. Tun tumah hian Brezza an tlangzarh rualin zirna HSLC exam-a tiṭha mi 14 hnenah Rs 12,000 ṭheuh an hlan nghal a ni.


GIG Motors-in pawl 10 exam-a tiṭhate hnenah scholarship a pek ṭan kumah chiah Maruti Suzuki-in India ramah Vitara Brezza car a tichhuak a, he conpact SUV hi thla 69 chungin 7,00,000 zet hralh chhuah a ni a, ni tin 295 hralh ang a ni.

Tuai tharin ṭha leh changkang zawkin an duang chhuak a, a hmingah Vitara paihin 'Brezza' hming puin an tichhuak thar a; engine tha leh fuel heh lo zawk tura siam chhuah niin, a khalhtu leh a chhunga chuangte tana him zawk tura duan a ni bawk.

Car chanchin sawitu Pu Lalrawngbawla chuan, "Vitara Brezza-in K15B engine a hman laiin Brezza thar hian petrol heh lo zawk K15C a hmang a, model hmasaah litre khati  km 17 a tlan theih laiin a tharah km 29.15 tlan theia ngaih a ni.

"A pianhmang inang viau mah se a siam dan a danglam deuh hlawk a, a chhunga chuangte himna ngai pawimawhin air bag paruk a awm bakah, dashboard thar a mawiin infotainment system pawh a hluiah inchi 7 a nih laiin a tharah inchi 9 a ni ve thung," a ti.

Pu Bawla chuan India ramah Vitara Brezza a hlawhtling a, Brezza thar an tihchhuah rualin beiseina a sang hle tih sawiin, India rama an lawm em em sunroof pawh Maruti company chuan a vawi khat nan Brezza-ah an vuah a ni, a ti bawk.


MARUTI BREZZA MAN (on-road)
SMART HYBRID LXI 1.5L 5MT VZR4ALA - Rs 8,57,633
SMART HYBRID VXI 1.5L 5MT VZR4AVA - Rs 10,10,508
SMART HYBRID VXI 1.5L 6AT VZA4AV1 - Rs 11,32,477
SMART HYBRID ZXI 1.5L 5MT (DT) VZR4AZA - Rs 11,38,628
SMART HYBRID ZXI 1.5L 5MT VZR4AZA - Rs 11,55,959
SMART HYBRID ZXI 1.5L 6AT VZA4AZ1 - Rs 12,75,380
SMART HYBRID ZXI+ 1.5L 5MT (DT)VZR4AZ2 - Rs 12,84,762
SMART HYBRID ZXI 1.5L 6AT (DT) VZA4AZ1 - Rs 12,91,380
SMART HYBRID ZXI+ 1.5L 5MT VZR4AZ2 - Rs 13,04,661
SMART HYBRID ZXI+ 1.5L 6AT VZA4AZ2 - Rs 14,21,547
SMART HYBRID ZXI+ 1.5L 6AT (DT)VZA4AZ2 - Rs 14,37,547


[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)










Post i hmuh dan

Post a Comment

0 Comments