"Hachhek bial chhung kawngpui hi dan lova kuhva tawlh nan hman kan phal lo," - HCDC Chairman Lalvansanga Pautu

Aizawl | July 15, 2022: Hachhek Constituency Development Committee (HCDC) chuan nimin khan MZP Conference Hall-ah "Dan lova kuhva sumdawnnain Hachhek bial a nghawng dan an sawih hova,  he hun hi Hachhek Constituency Development Committee (HCDC) General Secertary C Lalnuntluanga-in  a kaihruai.

 

 

HCDC Chairman Pu Lalvansanga Pautu chuan thusawiin, dan lova kuhva sumdawnnain kan eizawnna ber Kuhva hralhna kawngah nasa taka harsatna min thlen dan sawiin, min ritu Assam-ah BJP sawrkar M.L.A- awmin, a ni hian kan kuhva tharchhuah apiang hi Myanmar/Burma-lam aṭanga dan lova lo lut angah ngaiin, kuhva leitute hnenah nasa takin donation a khawntir phah a, khawchhak kuhva tawlhtuten an phut zat apiang an pek theih laiin kan kuhva tharchhuah leitute erawh chuan harsatna an tawh phah miau avangin nasa takin kuhva hralhna kawngah harsatna kan tawh phah a ti a, hemi chinfel hna hi nasa zawk leh ṭhenawm state sawrkar te hnen thlenga min sawisak a, min chinfel sak turin Mizoram sawrkar kan phut a ni, a ti a, "Hachhek bial chhung kawngpui hi dan lova kuhva tawlh nan hman kan phal lo," a ti bawk.

 

He Programme hi Hachhek Bial Kuhva Chingtu Pawl (HBKCP) hruaitu Pu Lalremruata Khiangte, General Secretary leh Pu Kanan Lalhlimawma, Asst. General Secretary-ten an hmanpui a. Pu Kanan Lalhlimawma'n thusawiin Hachhek bial hian kum 1959 aṭangin kuhva kan ching ṭan tawh a, Foreign kuhva ro Hachhek bial chhunga a luh hma in harsatna kan tawk ngai lo a ti. Pu Lalremruata Khiangte-in thusawi bawkin Hachhek bialin foreign kuhva avanga harsatna an tawrh dan te leh hma lakzel an tum dan te report a pe a, programme hmangtute theihtawp chhuahpui zel turin a sawm nghal bawk a ni.

He sawihona hunah hian Hachhek bial chhung khawtin Welfare aiawh leh ṭhalai ṭhahnem tak telin, bituk zat siam hial a ni a, HBKCP-ten harsatna kan tawh dan chipchiar kalkhawmte zirtirna an pe bawk. Vawiina kalkhawmte hian HCDC chu nasa lehzual a Hachhek bial chhung a Foreign kuhva kal tlang ṭhin a lo tawp theih nan a sawrkar nawr tur leh Hachhek bial chhunga khaw hrang hrang welfare-te nen a thawhhona ṭha zawk nei tura hmala turin an ti bawk a ni.

Tin, kum 2022-2024 HCDC hruaitu thar thlanchhuahte puanna hun neih nghal bawk niin, heng mite hi hruaitu tharte an ni:

Chairman : Pu Lalvansanga Pautu

Vice Chairman : Tv. B. Lalnuntluanga

General Secretary : Pu C. Lalnuntluanga

Asst. General Secretary : Tv. C. Lalnundika

Treasurer : Nl. Rosangpuii

Fin. Secretary : Pu Vanlalchaka