FEATURE | Hrangbana College Lady of The Year 2021-2022 Angela

byH Zate — 0
Govt Hrangbana College (HBC) Lady of the Year 2021-2022 Angela kan bel chiang!

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


'Angela' tia hriat hlawh Govt Hrangbana College Lady of the Year 2022 Zomuanpuii hi C Vanlalvenin leh Thlamuana (L) te fanu pathum zinga upa ber niin, Feb 14, 2002 khan a lo piang a. Tunah hian Zotlang, Aizawl-ah chengin an khawsa a, Presbyterian Church of India kohhran a lawi an ni.


Angela hi Mizo hmeichhiaah chuan a san zawng pawh zahpuiawm loh tak niin, Ft 5'4 a sang a ni.

Angela hi Mizo Film en hlawh tak mai 'Ka U Liana' filmah khan College zirlai angin a inlan ve a ni!


ANGELA-IN EXPLOREMIZORAM.COM zawhna a chhannate i lo thlir ang.

📌 Zirna lam:
- Pawl 10 hi Kendriya Vidyalaya Tezu, Arunachal Pradesh aṭangin ka pass a, pawl 12 hi Govt. Higher Secondary School Tezu, Arunachal Pradesh aṭangin distinction ah ka pass leh a ni.
Tunah hian Govt. Hrangbana College ah B.A 3rd semester zirlai niin, political science ka core a ni.

📌 Hobby: Lam, novel chhiar, workout

📌 I duhzawng leh ngainat zawng hrang hrangte?
• Lehkhabu duh: The Success Principles
• Actor/Actress: Anne hatheway, Jacob elordi , Angelina Jolie etc. leh Korean actor/actress hrim2 te
• Zaithiam: BTS, TXT, Blackpink, Ticos dara😉, Ed sheeran, Charlie Puth, Jason Mraz, Bruno Mars, Bin jovi, Anne Marie, Taylor swift etc
• Chawhmeh: Thlai, eg. Alu, parbawr,zikhlum etc
• Hla: Genre hrang hrang ka ngaihthlak vek avang hian duh bik ka neiloa, analh nalh animai
• Hmun: South Korea, Maldives, Switzerland
• Rawng: Pink, black leh white
• Ziaktu: Chetan bhagat, APJ Abdul Kalam


📌 Mize ngainat zawng:
- Pathian tih mi, polite, rinawm, inngaitlawm, zaidam leh mi taima

📌 Mize ngainat loh zawng:
- Mi chapo, mi rel/er hmang 

📌 Kawppui tura duhzawng?
- Pathian tih mi, family oriented, lehkha thiamthei, zaidam, dawhtheihna ngah, ruihtheihthil/zuk leh hmuam tilo leh ka thil tih engkima min support tu tur

📌 Relationship status: No vacancy lmao

📌 Aim in life:
- Ka aim in life hi chu sawi vak ka la duh lo a, mahse, ti hlawhtling turin theihtawp ka chhuak mek a ni.


📌Govt Hrangbana College (HBC) Lady of the Year 2022 thlanna a tel chhan?
-  A tir chuan ka thiante vanga tel ka ni a, mahse, han tel tak rau rau-ah chuan theihtawp chhuah a, history siam kha ka duh a 1st year aṭanga lady hmasa ber nih kha ka tum!

📌 HBC  Lady of the Year 2022 nih hi i inring reng em?
- Zep loh cuan top 5 kha chu ka tlin ka inring ngeia, mahse, common question roundah Mizo ṭawngin chhan tur a nih avangin, kei hi tette aṭanga Mizoram a awm ngai lo ka nih avangin mizo ṭawng hi ka nal lo hle a,  ka duh angin chhang lo ka inti a, contestant dang te an that bawk si avangin, Lady tak hi chu nih ka inring lo. Hrangbana College Lady of the year atana thlan ka ni hi Pathian zar liau liau a ni.

📌 HBC  Lady of the Year 2022 in I nuna nghawng a neih?
- Nungchang tha, mi dang tana engkawng pawha entawn tlak ni tura nun uluk turin min nawrkal a, ka nun a vawng bawk!

📌 Modelling lam i tui em?
- Modelling hi a en lam ka tuia, mahni han tih don atan chuan ka tui vak lo, mahse, Lady ka nih hnuah hian tuina tlem cuan ka neih ve phahin ka hria!


Zawhna dang:::
1. A tel lova i awm theih loh: Pathian leh ka chhungte

2. I nun kaihruaitu: Pathian leh ka chhungte tho

3. Hringnuna i hlauh ber: Keimah leh keimah in chan

4. I tih ngai miah loh tur: Ruihtheihthil/ zuk leh hmuam.


5. Mizo Tualzal nuna ṭha i tih:
- Independent quality , engmah thawh hreh nei lo.

6.  Quote i duh ber:
‘She believed she could so she did’ 
                                &
‘God is within her, She will not fail’
                
7. Mizoram leh Mizo tualzal nuna Mizo hmeichhiate dinhmun:
- Mizoram ah hian hmeichhia te hi kan zalen tawh viau a, kan zalenna hi a ṭangkai thei ang ber leh kan ram hmasawn theihna tur ang berin hmang zel ila ka ti.



8. Hnam hmingṭhat leh hmingchhiat kawngah Hmeichhiate'n mawhphurhna:
- Hmeichhia te hi kan hnam ah kan pawimawh emema, inchhung khur a hna thoh thiam te, nu leh pa, pi leh pu te zahthiamin an thu awih em em ila , cuan kan ṭawngkam te kan hman fimkhur a pawimawh ka ti bawk.

9. Hnam ziarang chawinun kawnga Hmeichhiate mawhphurna:
- Kan mawhphurhna a sang hle a, state dangah kan mizo hmeichhia te awm kan tama,  hnamdang kara kan om dan leh kan trawngkam in kan hmingthat leh hmingchhiat a hril hle in ka hria.


10. Mizote tan 'Fa neih tlem' inzirtir hi a ṭulin i hria em?
- Kan hnam kan tlema, kei chuan fa neih tlem hi inzirtir ṭul ka ti lo.

11. Mizo hnam ṭhanmawh bawk nia i hriat?
- Tunlai thangthar te hian ka lo hmuh ve dan chuan lehkha zir hi duh aiin an ngaihsak lo ka ti a, chhanchu lehkha thiam hi mahni tan chauh nilo ram tan pawh a pawimawh emema, cuan kan society hi kan la judgemental deuh hlekin ka hria a, mi in thil tha emo engpoh an mahni hmasawnna tura an ngaih an tih don pon , kan lo judge thin avangin , mitmei an ven lutuk angaih avangin an tih theih loh phah thina…. chu chu thanmawh bawk ni berin ka hria.

12. Mizo hnam damna atana  kawng awm nia i hriatte?
-  Kan hnam hi kan ngaihpawih zuala, kan in promote tam zualte, taimakna leh teirei peihna te hian kan mizo hnam damna atana kawng awm in ka hria

13. Hnam chhan nana Hmeichhiate ṭangkaina leh mawhphurna?
- Kan hnam chhan nan hian hmeiichiate hian tangkaina leh mawhphurhna sang tak kan neia, pakhat a chu kan mizo hnam pui ngei neih ani a , a pahnihna chu kan theih ang tawpa kan zir sanga, hna tha tak neih hian.


14. Zirna, Khawtlang leh Kohhran hi?
- Zirna, khawtlang keh kohhran hi chu a mihring a zirin a tih kawp vek theihin ka hria 

15. Khawtlang, Kohhran leh nangmah:
- Ka sawi tawh angin, Mizorama rawn chho thar chauh ka la nih avangin khawtlang leh kohhranah te ka la in hmang vak thei loa, mahse nakin zelah chuan ka theihtawpa inhman ve ka tum.

16. Social Media leh Nangmah:
- Social media ah hian ka active ve a, ka trangkai pui rual rual in achang hi cuan distraction lian ve deuh hi a ni thin.




17. Mizoram ṭhalai tam tak tlakchham: 
- Taimakna leh inrintawkna 

18. Mizo ṭhalaite hian ngaihsan tur dik an ngaisangin i hria em?
- Hei hi chu ka sawi theih a awm ka tiloa, achhanchu, mihringin kan duh leh kan ngaihtuah te a in ang vek thei loa, ka mi ngaihsan ka hlawkpuina anga k hriat/ngaih kha mi dang tan alo nilo ve theia, keimahni in kan that/hmasawnna a nih chuan an mi ngaihsan te a diklo tih ka sawi thei lo.

19. Ngaihsan tur dik nia i hriat:
- Mahni tana tha tur, entawn tlak leh an hnung kan zui theih tur

20. Hlawhtlinna tura pawimawh:
- Tumruh, teireipeih leh taimak 

21. hloh i hlauh ber:
- Pathian leh ka chhungte

22. Zo hnam inpumkhatna hi a thlen theih i ring em? Thleng thei turin engnge pawimawh nia i hriat?
- Kan zo hnam hi kan inpumkhat sa rengin ka hria.

23. Hnam dang nupui pasal neih hi:
 - Heipoh hi ka sawi theih chu awm ka tiloa, Hmangaihna leh feelings hi control ahar ve ka ti a, mahse kan hnam pui ngei nupui/pasal a neih hi tha ka ti , kan hnam kan ral mai loh nan.

24. Nupui pasal neih hmaa mipat hmeichhiatna hman hi:
- Bible in nupui/pasal neih hma in mipat hmeichhiatna hman hi rem a ti lova, ka mimal ngaihdanah pawh tha ka ti lo bawka,  chuan ka thalai puite pawh insumtheihna nei hram hram thin ila ka ti.

📌  EXPLOREMIZORAM.COM i hmuh dan:
- EXPLOREMIZORAM.COM hi in hmalak dan a tha ka lo ti a, kan mizo pui lo ding chhuak te leh ding chhuak tur te tan platform tha tak in siamin, in promote thiam ka ti a, in kalna zel turah duhsakna sang ber ka hlan bawk a che u. 💖







[News update awlsam taka i dawn theih nan telegram channel hi lo join ve ta che https://t.me/exploremizoramchannel ]



Founder/Editor
Explore Mizoram


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)





Tags:

Post a Comment

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post