Aizawl | June 28, 2022: Phuldungsei VC Team a an striker - jersey no 11, 'Timothy' tia an koh nimina Inter Village Football Tournament 2022-a an goal hmasa khungtu ban lehlam bul hian ngaihven a hlawh a, amah ngaihventy an tam hle.
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
Nimina an inkhel lai video en chuan amah hi an ngaihven a, an ngaisang a, chona tam tak a pe nghal a ni.
Video Link: https://youtu.be/dyJbINn87bc
A goal khung a mawi a, a ball khawih a mawi a, Football bakah Volleyball pawh a la thiam lehzel niin thu dawn a ni.
Phuldungsei VC team hian Ṭawizo VC team an tum a, si 6 -1 in an hneh a, Phuldungsei VC tean goal 6 zinga goal hnih hi Timothy Lalremsanga khung hi niin, minute 29na leh 83na ah goal a khung a ni.
Thu dawnnain a tarlan danin, a naupan zual laiin vanduaithlak takin electric current in a man vangin a kut veilam hi tan a ni!
Mahse, kut lehlam leh ke pahnih a la nei tih a hre kiau mai a, indawm kun mai a tum lo, a tum mawlh lo!
Mi tam zawk ang chu ni se la, rualban lo tia mahni insitin a inkiltawih ang a, ban vei lam a neih loh vang hian inah a awm vel mai mai ngei ang. Mahse, Timothy hi chuan kut veilam nei tawh lo mahse ke pahnih a la nei tih a hre bik tlat!
An VC Team aiawh thei hialin a la ṭha a ni mai lova, vawiinah pawh he match a goal hmasa ber a la khung cheu!
Chhuanlam hi hlawhchham chhana sawi chi a ni lo, tu tan pawh chhuanlam tur hi chu a awm si a! Tumruhna hi chu eng harsatna hian a dal zo lo tak tak lo.
Timothy hi mi tam tak fuih phurtu leh chakna petu ni mawlh teh se.
Social media-a Timothy chungchanga post viral hi lo en ve rawh le!
"Phuldungsei VC Team a an striker - jersey no 11, centre a ball rawn khalh pheia a ṭhianpa nena in one two zeuh zeuha hi 'Timothy' tiin an ko ṭhin a ni awm e an sawi danin.
Mi tam zawk ang chu ni se la, rualbanlo tia mahni insitin a inkiltawih ang a, ban vei lam a neih loh vang hian inah a awm vel mai mai ngei ang. Mahse, he Timothy hi chuan kut veilam nei tawh lo mahse ke pahnih a la nei tih a hre bik tlat! An VC Team aiawh thei hialin a la ṭha a ni mai lova, vawiinah pawh he match a goal hmasa ber a la khung cheu an ti! Chhuanlam hi hlawhchham chhana sawi chi a ni lo, tu tan pawh chhuanlam tur hi chu a awm si a.. Tumruhna hi chu eng harsatna hian a dal zo lo tak tak lo.. Nang pawh Timothy ang hian FA, System leh Society dem lovin, nangmaha a ṭha ber chhuah turin i hmaa i harsatna awm apiang chu lo hmachhawn zawk rawh khai.. Salute Timothy.. Be like Timothy! 💪🏻😇"
Hei erawh a thu ken a dang hlek!
"Rualbanlo pawhin heti tak maia a tumruhna hi a ngaihsanawm em em e.
Chutih rualin, heng pianphung rualbanlote hi Official Tournament-ah an tel ve a rem lo va, AIFF beng a thleng leh ngei ang a, insawifiah kan hmabak hmel.
Mipa leh hmeichhia pawh inkhelhho phal a ni lo bawk a, kan veng hmeichhe naupang Sangpuii, mipa zinga a inkhel pawh kha khu lam aṭangin an rawn khap thuai mai.
Rualbanlo chung pawha heti taka football a tui leh a thiam hi fuke kim zawk tan chona lo ni mawlh teh se.
A lainatawm khawp mai.🙏"
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: