Mizoram hmun hrang hrangah lei min

 Aizawl | June 19, 2022: Tunhnai ruahsur nasa vangin Mizoram hmun hrang hrangah lei a min a, kawng a hnawh bakah chhiatna a thleng nasa hle.

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

Vawiina thil thleng ṭhenkhat kan han dah ang e.



AIZAWL:
1. Zonuam: Zanin dar 9:30 vel khan kawng bula in sakna tur lei laih chu a chhak ko a min a, kawng a hnawh.


2. Zanin dar7:30vel Khan Chanmari Chaltlang Road Chanmari tanga tlan chhoh Zote Honda thlen hma kawng chhak lungrem a chim. He lungrem chim hian 2wheeler a delh che nual nia thu dawn a  ni.






2. PWD Eastern Circle hnuai ah chuan kawng tlang lo report:
a) Serchhip Div bial:
• Serchhip - Hriangtlang a tlang lo

b) Khawzawl Div Bial
Kawlkulh -Lungpho .. lei min vawi 5 then tawh a ni a, chuti chungin min a la awm reng. Naktuk ah Operator ten an bei leh dawn.

c) Champhai Div bial leh Saitual Div bial ah Kawng block awm lo.


3. Mamit le Dampui bazar inkar kawng tlang lo.
- Tlai lam khan JCB in an thian a, mahse, ruah a sur reng a vangin thimthama tih chi a nih loh vangin naktuk a chhunzawm turin dah a ni. Zing dar 10- 11 velah tlang thei tura beisei a ni.



Ruah leh Leimin thlenga AIR News Aizawl Report:
Tun hnai a fur ruahsur nasat avangin Mizoram hmun hrang hrangah chhiatna a thleng mek a, mihring chenna in leh kawngpui hmun hrang hrangah leiminin a tichhia.
 Aizawl khawpui panna pawh hmun engemawzatah leimin avangin a ping a, PWD hnathawkte’n ruahsur hnuaiah an thianfai deuh zel a. Thing tlu-in electric hrui a vuak chhiat avangin Ningani zan khan Aizawl veng ţhenkhat chu an thim zankhua a. Veng tinah leimin report a awm bawk.
 Serchhip District chhung hmun hrang hrangah pawh Leimin leh Tuilian avangin Chhiatna  thleng a awm  nual a, chutihlai erawh chuan, nunna chan khawpa chhiatna  lian tham thleng a awm rih lo thung. Hriat theih chinah  nimin tlai khan ruahsur nasa vangin Serchhip Darnam Venga Pu Chhanghnuna parawl in  NH-54 kawng chhak a mi chu  an In  chhak lam leimin avangin nizan khan bungrua thiar chhuah niin, Serchhip Saron Veng Thumbawk Tuikhur chhak lei min/tawlh avangin  a hnuai/zawn a  inluahtute pawhin vawiin khan an bungrua te an thiarchhuak  ve leh bawk.

Tunlai  ruahsur nasa avang hian Mat leh Tuichang lui pawh a lian hle a, Mat Lui lian hian Serchhip Zawlpui phaia  Leilet Thlam leh thlai chinna hmun then khatte a chim mek  bawk a  ni. Vawiin vek khan Keiţum  khawdai ah Aizawl kal tur  Bike pakhat chu, kawngchhak lung tlain, delhin vanneih thlak takin nunna chan an awm lova, Serchhip leh Chhiahtlang inkar NHDICL-te kawng laih mekah kawngchhuat dawlzawlna tura Retaining wall an siam thenkhatte a  chim  bawk.

 Tukin khan IOC Quarry road a Pu Engzauva car an kawt a dah pawh kawngko minin a chhilh a, a chhilhtu hi lei hlang a nih avangin a chhe nasa lo hlauh. UPC vengpui kohhran Biakin thlang kawngko lungrem a chim Nimin khan Serchhip leh Hriatlang inkar kawngpui chu Tuichawm lui (Hriangtlang ram lam) a saberekakhuangkaih-in a tihchhiat vek avangin mihring leh lirthei eng chi mah kal pawh theih lohin an awm mek bawk a ni.

Ruahsur nasa avang hian Tlawng lui pawh a lian nasa hle a, ruah a sur zel a nih chuan Tlawng lui hi len belh in, harsatna a siam mai rin a ni. Bairabi khaw bula Tlawng lui lian avangin harsatna a thlen thu hriat a ni rih lo. Kolasib District chhung Bilkhawthlir leh Buhchangphai inkar kawngpui NH-154 huamchhunga Phaipheng zau ah leiminin kawng a hnawh avangin vawiin tlai thleng khan lirthei eng chi mah a kaltlang thei lo.


Sairang Tlawng lui chu tun dinhmun-ah darkar 1 a feet 1 ang velin a san belh zel a, tui chim chin sang zelin harsatna nasa zawk a thlen lohna turin Sairang khawtlang an inbuatsaih a, a tul dang zel a harsatna tawkte invawm luhna tur hmun pawh an ruahman mek. 

Vawiin khan Sairang Tlawng lui chim chin sang zelin harsatna nasa zawk a thlen lohna turin Sairang khawtlang chuan hmalakna an kalpui mek a, vawiin tlai dar 3 thleng khan chhiatna nasa zawk a thlen hlauhthawn thuah chhungkaw 2 an inthiarchhuak tawh.
 Sairang Branch YMA hruaitute hnen atanga thudawn danin, Tlawng lui chim chin chu tun dinhmunah darkar 1 a feet 1 ang vel zelin a san belh mek a, ruahmanna siam lawk hleih theih a awm loh rualin, tui chim chin san ang zelin hmalakna an kalpui mek a ni. 
 Ruahmanna an siam danah chuan, inthiarchhuah ngai an awm a, chhungte bel duh an nih chuan an bel ang a, chumi a nih loh chuan YMA hall, sobji bazar leh shelter home sak mekte chu luahluh theih turin an buatsaih fel tawh.

Post a Comment

1 Comments

He post chungchanga i ngaihdan lo sawi ve rawh: