Lei min leh kawng chhe mai thei-ah fimkhura inruahman turin Bualte VC in zinmite ngen


Aizawl |  June 19, 2022: Tunlaia ruah nasa taja sur mek vanga kawng ping leh chhiatna dang thleng thei lakah National Highway 54 zawha zin turte fimkhur turin Bualte VC chuan zinmite an ngen.

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


Bualte VCP Pu K Biakchungnunga hminga thuchhhuah chuan, "Bualte Village Council Ram chhunga NH-54 Kawngpui laihthat mek a vangin hmun hrang hrangah Leimin leh kawng chhia awm mai thei a tam viau a hei vang hian Lirtheia zin leh kaltlang turte fimkhur tur leh kawng laka ei tur neih loh vanga harsatna kan tawh loh nana lo in ruahman turin kan inhriattir a ni." tiin a tarlang a.


"Lei min a vang leh eng emaw a vang a harsatna kan neih chuan a hnuaia phone no. ah hian kan hriattir thuai dawn nia." tiin VCP phone number hi dah a ni bawk.

Bualte hi Lunglei district chhunga awm niin, Lunglei leh Lawngtlai inkara awm a ni.



VILLAGE COUNCIL BUALTE THU CHHUAH.

Kan hriat angin tunlaiin Ruah nasa takin a sur meka, tin, hmuhlawk danin ruah hi la sur zel rin a ni a.
   Hetih lai hian Bualte Village Council Ram chhunga NH-54 Kawngpui laihthat mek a vangin hmun hrang hrangah Leimin leh kawng chhia awm mai thei a tam viau a hei vang hian Lirtheia zin leh kaltlang turte fimkhur tur leh kawng laka ei tur neih loh vanga harsatna kan tawh loh nana lo in ruahman turin kan inhriattir a ni.

     Tin, kan khaw thenawm Thualthu nena kan inkar pawh hi kawng ping mai thei tam tak a awm bawk tih kan inhriattir bawk a ni e. Lei min a vang leh eng emaw a vang a harsatna kan neih chuan a hnuaia phone no. ah hian kan hriattir thuai dawn nia.

Him taka in zinkawng in zawh theih nan, Kan lo ṭawngṭai zel dawn nia.


               Sd/-
President, Village Council
Bualte,
Ph:- 9862982684

Post a Comment

0 Comments