GOLD MEDALIST | MZU B.A Gold Medalist 2022 Lalruatsanga

MZU B.A Gold Medalist Lalruatsanga kan belchiang.

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


Mizoram University in Under Graduate exam result 2022 a tihchhuaha Bachelor of Arts (B.A) Gold Medalist Lalruatsanga hi 'Ruatsanga' tia kih ṭhin niin, Lalramthanga leh Lalthanmawii te fa pathum zinga upa ber  leh mipa awm chhun niin, September 26, 2002 khan a lo piang a. Tlungvel khua niin, Presbyterian Church of India kohhrana lawi an ni.

Ruatsanga hi tunah hian LRS Hostel, Upper Republic, Aizawl-ah zirna vangin a awm  ani.


Ruatsanga'n EXPLORE MIZORAM zawhna a chhanna i thlir ang.

📌 Zirna lam:
• Govt Tlungvel P/S IV, P/S II, Govt Tlungvel M/S I, Govt Tlungvel H/S leh Tlungvel Higher Secondary School ah te ka kal ṭhin a,  Pawl 7 ka nih vel atangin pakhatna ka ni ve thin a. Pawl 11 tih lohah kha chuan pakhatna ka ni chho ve zel a. Kum 2017 khan pawl 10 ka pass a, 2019 khan 12 ka pass leh a. B A tih loh chu kan khua Tlungvel aṭangin ka zova, Sawrkar sikul chhuak ka ni bawk!
Zirna sang zawk nei turin Pachhunga University College ah B.A Economics dept ah kum 2019 ah ka lut a, kumin MZU in result a tihchhuah ah khan vanneihthlak takin CGPA 9.38 hmuin ka pass a ni.

📌 I lehkha zir dan?
-  Lehkha ka zir hian kum tir atangin ka zir bek bek thin a. Exam dawn hnaiah min chhawk zangkhai thin hle.

📌 harsatna I hmachhawn dan?
- Kan nunah hian harsatna hi tumahin pumpelh theih a ni lo a, harsatna ka tawh chang pawhin pawm thiam dan kawng ka zawng hram hram thin. 

📌 Gold medalist i nihna (Subject) leh CGPA?
- B.A niin, Economics deptt ah topper ka ni a, CGPA - 9.38 a ni.

📌 Gold medalist ni tura i beih dan?
- Gold medalist ni tur hian ka bei ngai lo a. Ka lehkha zir naah keima tawkah erawh ka theihtawp ka chhuah ve thin. 

📌 Gold medalist ni tura i beihnaah faculty lamin an ṭawiawm/pui ṭha chein i hria em?
- Sawi tawh angin Gold medalist hi ka tum chhin ngai lo a. Amaherawhchu, faculty te hi kan tan an inhawng em em a. Kan zirnaah min tawiawm tha hle. 

📌 I zirna atana i chhungte pawimawhna:
-Ka chhungte hian ka zirna hi min ngaih pawimawh pui em em a. Hnathawh velah pawh lehkha ka zir duh thin avangin min awl hneh em em thin. 

📌 I zirna atana i ṭhiante pawimawhna:
- Ka zirnaah hian ka thiante hi an pawimawh em em a. Thil pawimawh te kan sawiho a,  kan thiam loh te kan inrawn a. Zirtirtute baka ka inzirna pawimawh tak an ni. 

📌 COVID-19 leh Lockdown in i zirnaa nghawng a neih dan:
- Covid-19 leh lockdown hian zirnaah hian nghawng a nei lo thei lo a. Amaherawh chu practical nei te kan ni lo bawk a. A chhe zawng chuan min nghawng em em loin ka hria.


📌 I duhzawng leh ngainat zawngte:
Rawng - A var
Chawhmeh  - Maian bai
Incheina - Simple zahawm tawk. 
Rimawi – Pop music
Mizo Ziaktu zingah - Pu Vanneihtluanga 
Hla- Lalpa Remruat


📌 Mize ngainat zawng:
- Mi inhawng tak leh midang ngaichang thiam

📌Mize ngai nat loh zawng - Mi chungchanga ngaihdan siam zung zung mi leh chapo 

📌 Hobby - Taking a nap🤐

📌 Relationship status - Single

📌 Kawppui atana duhzawng - Min hrethiama min care tu tur😅


Zawhna dang:::
1. A tel lova i awm theih loh: Ka mihringpuite

2. I nun kaihruaitu: Mawhphurhna 

3. Hringnuna i hlauh ber:
Lungawina tello hringnun neih.

4. I tih ngai miah loh tur: Midangte hmuhsit

5. Mizo Tualzal nuna ṭha i tih: Kan inlungrualna

6.  Quote i duh ber: We die once but we live everyday.

7. Mizote tan 'Fa neih tlem' inzirtir hi a ṭulin i hria em?
- Fa neih tlem inzirtirna Mizote hian kan mamawh ka la ti lo. 

8. Mizo hnam ṭhanmawh bawk nia i hriat?
- Tihtak zetna kan nei lo thin. 

9. Mizo hnam damna atana  kawng awm nia i hriatte?
- Huaisenna leh rinawmna,  tihtakzetna nen kan tihtur leh hmachhawp te ti thin ila a tha hle ang. 

10. Hnam chhan nana Hmeichhiate ṭangkaina leh mawhphurna?
-  Hmeichhia te hian mawhphurhna sang tak an nei a, an dinhmun hniam leh san ringawt pawh hi kan hnam damna leh sanna hriltu a ni. 

11. Zirna, Khawtlang leh Kohhran hi? 
- Keimahni a zir zelin kan her rem thiam a tul. 

12. Khawtlang, Kohhran leh nangmah:
- Khawtlang leh kohhranah lamah hian hmasawnna tur tam tak ka la nei a ni. 

13. Social Media leh Nangmah:
- Social media hian ka zirnaah min pui nasa em em a, ka thiltih leh zirna min tibuai hran lo. 

14. Mizoram ṭhalai tam tak tlakchham:
- Tihtakzetna 

15. Mizo ṭhalaite hian ngaihsan tur dik an ngaisangin i hria em?
- Mi hrang hrang nunah ah hian zir tur a awm vek a. Kan ngaihsan dan a zir zel a ni. 

16. Ngaihsan tur dik nia i hriat:
- Mi rinawm. Rinawm tih khan kan hna leh tihtur laka rinawm te pawh a huam vek. 

17. Hlawhtlinna tura pawimawh:
- Teirei peihna leh taimakna. 

18. hloh i hlauh ber: Ka nun leh ka chhungte

19. Hnam dang nupui pasal neih hi:
- A theih hram chuan hnampui ngei neih a tha a. Mahse ka sawi theih awmin ka hre lo. 

20. Nupui pasal inneih hmaa mipat hmeichhiatna hman hi?
- Kan sakhuana nen pawh a inkalh thil a nia,  kan insum hram hram tur a ni. 

I thalaipuite tan fuihna-
-- Kan nun hi keimahni aia hre chiangtu an awm lo a. Chuvangin mahni inlet chungin hmasawn zel kan tum tur a ni. 

EXPLOREMIZORAM.COM i hmuh dan:
- Explore Mizoram hi a hlu ka ti a. IG lamah leh whatsapp lamah pawh thu tha leh bengvar thlak tak tak min fahtu a ni a, a tha ka ti khawp mai.




[News update awlsam taka i dawn theih nan telegram channel hi lo join ve ta che https://t.me/exploremizoramchannel ]




Founder/Editor
Explore Mizoram


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)


Post a Comment

He post chungchanga i ngaihdan lo sawi ve rawh:

Previous Post Next Post