Aizawl | June 24, 2022: Pu Lalchamliana, Home Minister hovin vawiin ‘International Day Against Drug Abuse and Illicit Trafficking’ denchhenin Trinity Hospital, Silaimual a bawlhhlawh halralna khawl hmangin Mizoram Police ten ruihhlo an man te halral a ni. He hun hi Pu Neihchungnunga, IPS, DIG(CID) Crime leh Chairman, High Level Drugs Disposal Committee in a kaihruai.
Pu Lalchamliana chuan drugs tawlhruk leh hmansual hi khawvel pumin a buaipui a, tih rem dan tur a ngaihtuah reng a ni. Drugs titu te hian an mahni mai bakah, an chhungte leh khawtlang an tih buai thin avangin, drugs ti lo tura inzirna hi chhungkua, zirna in, khawtlangah te uar leh zual a kan inzirtir a ngai a ni a ti. Supply reduction a pawimawh rualin demand reduction tura hmalak mek a nih thu sawiin Minister chuan mipuite hnenah drugs tih thatloh zia kan rilrua tuh ngheh a nih chuan kan ziaawm deuh a beisei thu a sawi. Drug addict te pawh misual ber ang mai a en lovin, damlo tanpui leh enkawl ngai an ni tih rilru puin, drugs dona kawngah Police, Excise and Narcotics, Assam Rifles, YMA, Kohhran te theihtawp chhuah zel turin a sawm.
Pu Lalchamliana chuan Narcotics Control Bureau Office, Aizawl leh Champhaiah dah dan tur ngaihtuah mek a nih thu a sawi a, vawiin pawh District dang a Drugs Court-in tih ral a phal tawh te pawh tihral a nih thu a sawi.
Pu Devesh Chandra Srivastva, IPS DGP Mizoram chu khualzahawm niin hemi hunah hian drugs do chu Mizoram Police tana hna pawimawh ber te zing ami a nih thu a sawi.
Tunkar chhung hian district hrang hrang Police ten theihtawp chhuah in ruihhlo dona kawngah hian hma a la a. Thalai te leh mipui hnen ah te hrilh hriat hna (awareness campaign) nasa takin a kalpui a. Awareness campaign hi School 39 ah neih niin Signature campaign pawh hmun tam tak ah neih ani bawk.
Pu Lalhmachhuana, Central YMA Vice President pawhin thu sawina hun a nei bawk. International Day Against Drug Abuse and Illicit Trafficking chu 26th June, 2022 hi a ni a, mahse Pathianni a nih avangin vawiin khan hman a ni.
Kum tinin June 26 hi International Day against Drug Abuse and Illicit Trafficking atan hman thin niin, ruihhlovin nghawng tha lo tak tak a neihte inzirtir tharna hun atan hman thin a ni.
He hunah hian Home Department, Excise & Narcotics, CYMA hruaitute, Melthum Local Council, Senior Police Officers bakah chanchinbumite an tel a. Ruihhlo dona thutiam (pledge) pawh a hmunah hian neiin, Mizoram Policein ruihhlo dona kawnga a hmalakna hrang hrang leh a ruihhlo mante phochhuahna photo exhibition a awm bawk.
High Level Drugs Disposal Committee ten ruihhlo an hal ral turte:
Name of Drugs
Quantity
Value (in ₹)
Heroin
16.4 kgs
₹ 5,90,40,000
Methamphetamine
756.824 kgs
₹ 2,27,04,72,000
Pseudoephedrine
87 kgs
₹ 36,97,500
District Level Drugs Disposal Committee (Aizawl District & CID Crime) ten a hranga ruihhlo an hal ral turte:
Name of District
Name of Drugs
Quantity
Value (in ₹)
Aizawl
Ganja
71.941 kgs
₹ 3,59,705
Alcodine
6 bottles
₹ 4,050
Codeine
21 bottles
Tramadol
343 caps
₹ 8,990
Alprazolam
210 tabs
Nap 10 346 tabs
CID Crime
Heroin - 1.843 kgs - ₹ 66,34,800
Total Quantity: 930.229 kgs, 27 bottles, 899 tabs/caps
Total Value: ₹ 2,34,02,17,045 (Local market rate)
(Cheng Vaibelchhe zahnih sawmthum pali, nuai hnih leh singkhat sang sarih sawmli panga)
₹ 22,68,66,30,245 (International market rate)
( Cheng Vaibelchhe sanghnih zahnih sawmruk pariat, nuai sawmruk paruk leh Singthum zahnih sawmli panga)
Tin, June 26, 2022 emaw, a hma lamah emaw hian District hrang hranga District Level Drug Disposal Committee chuan anmahni hmunah theuh ruihhlo hal ralna hun an hmang dawn bawk a ni.
- DIPR
Post a Comment
He post chungchanga i ngaihdan lo sawi ve rawh: