BASKETBALL | MSL7 match hmasa berah Hotshots chak

Aizawl | June 2, 2022: Mizoram Super League (MSL) season 7 chu nizan khan R Dengthuama Indoor Stadium, Mualpuiah khelh tan a ni a, khelh tan zan hian Chanmari Vikings leh Mission Veng Hotshots te inhmachhawnin Mission Veng Hotshots chuan 78-72 in Chanmari Vikings an hneh.

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

Mission veng Hotshots hi MSL 7 team thar an ni a, hnehna an chang hi lawmpuitu an tam hle a ni.

                             Total/ P-1  / P- 2  /  P- 3/      P- 4

Chanmari Vikings:       72     19      14         24      15

Mission Veng Hotshots: 78      23         17    22     16

Chanmari Vikings: 

Michael F Lalawmpuia -  22 point, 4 rebound, 2 assist

Vanchuangpuia - 14 point, 7 rebound

Moses Zoremmawia - 13 pts - 8 rebounds

Pic | PC Lala

Mission Veng Hotshots:

Arshdeep Singh - 22 pts - 8 rebounds - 1 assist

Eddie Zairemmawia - 15 pts - 7 rebounds

Zonunsanga - 14 pts - 6 rebounds - 1 steal

MSL 7 ah hian team 6; Zarkawt BCA,  Chawnpui Basketball Club, Mission veng HOTSHOTS, Khatla TBL, Tuikual South Basketball Club, Chanmari VIKINGS.

MSL 7-ah hian He league a club-te  hi vawi hnih ṭheuh an inkhel kual ang.  Hei hi league match  tih a ni. 

Vawi Hnih  inkhelh chhuah vek  hnua  point hmu sang pali (4) in Play In an  khel  ang.  Chu inkhela chak  zawk  team-in Final (Best  of Three)  an khel ang.  Final-a chak  zawk team  chu MSL Champion an ni dawn a ni.

PC Lala

Relegation leh Promotion:

MSL 7 - League Match-a  point  hmu  hniam ber a relegate ang a, Pangana (5) a stay ang.

MBBA Division 1 Champion leh Runner Up te MSL ah an rawn kai thar ang.

MSL 7 aṭang hian Aizawl District pawn atanga MSl khel tur tan District Quata a awm dawn a. Hei hi District Team/Club ten an la khel dawn a ni.

Lawmman

MSL 7 ah hian Club tana  lawmman a ṭha hle a, champion hian cheng 2,20,000 an dawng ang a, 2na in cheng 1,10,000 an dawng ang a, 3na in 55,000 dawngin, 4na in 50,000 an dawng dawn a, 5na in cheng singli leh 6na in 35,000 an dawng dawn a ni.

Tin, hemi bakah hian Inkhelh ni apianga inkhel en man  pawisa tling khawm  atangin club-te’n  chan  an  nei thin dawn a ni.

FIXTURE