Aizawl | June 2, 2022: Mizoram Badminton Association hnuai a District level inelna sang ber, Ecosave Mizoram MBA Inter District Team Championship 2022 chu May 31 - June 2 chhung khan Ramhlun Indoor Stadium ah khelh a ni a, District Badminton Association Aizawl South chu a pumpui ah champion hnem ber niin, Overall Champions Trophy hlan an ni.
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
He tournament lian ah hian Mizoram a district hrang hrang atangin players an fuan khawm hnem hle a, category hrang hrang Junior Mixed Team, Senior Mixed Team, 35+ Men's Team leh 45+ Men's Team ah te in elna hi neih a ni.
He tournament a category ngaihlut hlawh ber Senior Mixed Team inelna ah hian final ah District Badminton Association Aizawl North leh District Badminton Association Aizawl South te an intum a, hnehtawk tak a an inkhelh chhoh hnu ah a tawp ah 3-1 in Aizawl South lam te an ding chang ta zawk a, champion nomawi an chawi haw.
Junior Mixed team ah Champhai District in pakhatna dinhmun an hauh a, 35+ Men's team ah pawh Champhai District tho an champion a ni. 45+ Men's team ah erawh Aizawl South in an chungnun zia lantir in, awlsam takin an champion.
Result kimchang chu a hnuai ami ang hi a ni:
Junior Mixed Team
Champions: Champhai District Badminton Association
Runners up: District Badminton Association Aizawl South
Senior Mixed Team
Champions: District Badminton Association Aizawl South
Runners up: District Badminton Association Aizawl North
35+ Men's Team
Champions: Champhai District Badminton Association
Runners up: District Badminton Association Aizawl South
45+ Men's Team
Champions: District Badminton Association Aizawl South
Runners up: District Badminton Association Aizawl Central
Post a Comment
He post chungchanga i ngaihdan lo sawi ve rawh: