Ticker

10/recent/ticker-posts

AH & VETERINARY MINISTER-IN DISTRICT VETERINARY HOSPITAL, KOLASIB A HAWNG, VAWK VULHTUTE HNEN AH ZANGNADAWMNA PEK CHHUAH THUAI A NIH TUR THU A SAWI

Kolasib dated 3rd June 2022: Vawiin chawhma khan NABARD RIDF XXIV kaltlanga sak, District Veterinary Hospital, Kolasib chu Dr.K.Beichhua, Minister, AH & Veterinary Department chuan a hawng a. Pi Lalzarmawii, IAS, Secretary chuan District Veterinary Hospital hawnna hun hi kaihruaiin Pu C.Lalmuanpuia, MLA, Vice Chairman, AH & Veterinary, Sericulture board, SEDP chuan khual zahawm niin he hun hi a hmanpui bawk a ni.

AH & Veterinary Minister Dr.K.Beichhua chuan sa hrisel leh thianghlima intodelhna kawnga hmalakna hrang hrang awm thin te chu sawrkar thupek awih lo mi tlemte, dan phal loha ram pawn atanga ran lak luh ching te vangin a hlawhchham leh tih a sawi a, Mizoram chhunga vawk vulhtuten harsatna nasa tak an hmachhawn mek phah tih a sawi. Mipui hriselna leh ran hriselna chu thui tak a inkungkaih thu leh ram changkang apiangah ran enkawlna an ngaih pawimawh thu a sawi bawk. Mizoram district 6-ah District Veterinary Hospital hawn a nih tawh thu leh hun rei loteah Champhai District Veterinary Hospital pawh hawn thuai beisei a nih thu a sawi a, hei hian thawktute a tih phur ngei a beisei thu leh ran hriselna kawng ah hmasawnna nasa tak a thlen ngei a rin thu a sawi bawk a ni. Dr.K.Beichhua chuan vawk hri avanga vawk vulhtute harsatna chhawk zangkhai a nih theih nan Sawrkai laipui leh Mizoram sawrkar ruahmannain hri leng vanga vawk suat tak neitute hnenah zangnadawnna pek chhuah a nih tur thu a sawi a, Covid-19 hrileng leh vawk hrileng avanga vawk vulhtute harsatna tawh sukiang turin AH & Veterinary Department-a thawktute chu ?an nasa zawk a la chhunzawm zel turin a chah bawk a ni.

AH & Veterinary Department Minister chuan Vawk hri leng vanga vawk tam tak thihna leh vawk vulhtute harsatna chu 'State Disaster' a puan turin hma lak mek a nih thu a sawi a, he hmalakna leh ruahmanna hi a hlawhtlin chuan vawk vulhtu harsatna hmachhawn mek te hi chak lehzual a chhawmdawl an nih a beisei thu a sawi bawk a ni.

AH & Veterinary, Sericulture Board Vice- Chairman Pu C.Lalmuanpuia, MLA pawhin thu sawiin, mihring hrisel nan sa hrisel a pawimawh thu leh hemi kawnga intodelh tur a Animal Husbandry & Veterinary Department-a thawktute an pawimawh thu a sawi a, SEDP kaltlangin hemi kawnga hma lak tum mek a nih thu a sawi bawk a ni.

Dr. Lalremliana, Director, AH & Vety Department tarlan danin District Veterinary Hospital hi NABARD RIDF XXIV hnuai a Cheng nuai 119.227 leh State sawrkar atanga cheng nuai 30.773 hmang a sak a ni a. October ni 17, 2019 a sak ?an niin feet 75 a sei leh feet 39 a zau a ni a, room 14 a awm a ni. Computed Radiography System leh Ultrasound khawl dah thuai tura ruahman niin bungraw mamawh dangte pawh dah a tihchangtlun zel tum a nih thu a sawi.

District Veterinary Hospital, Kolasib hawnnaah hian Kolasib district office hrang hranga hotute an tel a, Dr. Engkunga Chhangte, DVO in lawmthu sawina hun a hmang bawk a ni.
 
- DIPR
Post i hmuh dan

Post a Comment

0 Comments