'Thihna nen ni khat' a hit chho zel!

Aizawl | May 30, 2022: Leitlang pictures kutchhuak a nêp thei lo, an lo tih ṭhin angin, April 12 a Vanapa Hall a tlangzarh 'Thihna nen Ni khat' film chu a hit chho hle.

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


EXPLOREMIZORAM.COM in thu a dawn danin, "Tunah hian mi sing hnih chuangin an en/lei tawh a ni."

He filmah hian Lalnunsanga Chhangte, MC Rohlupuii Duati Ralte, Johan Lalhmunmawia, Malsawmsangi Tlau, Remruata Kawlni, Vanlalmawlsawmi, Lalnunzira, Laltea Chawngthu, Neihthangpuii, Daisy Zomuankimi, George Zorinsiama Sailo, Lalthakimi (Nunui), H. Lalzawnlaia, Vanlalzuata, David Vanlalhruaia leh Michael Juda Sanga te an inlan a ni.


A thawnthu hi Lalhlimpuia Pachuau in a ziah niin, Mapuia Chongthu chu director a ni.

A film hi Drama, Horror leh Comedy huangah dah a ni a. Darkar khat leh minut 55 a sei a ni.


A thawnthu ruangam:
Tlangval pakhatin zankhat thilthuah thihna a hmachhawn thut a. Pathianin chu tlangval chu a thil tihsual siamthatna hun a pe a, a nun leh tur thu a hrilh bawk a. Mahse, mihring nge nge chu thil sual tiin a tlu a tlu a,a sual chu a vulh lian zel chu a ni ta ber a. Pathian chuan chance dang pe zelin nunna a pe leh zel a. A chance neih hnuhnung berah chuan chu tlangval chuan 'nunna thuruk' a chhar ta..Chhanna thuruk a chhar chu eng thuruk nge ni ta ang le??..
Pathianin chance a pek hnuhnung ber chu engtiangin nge a hman zel tak ang, sual vulh len nan a hmang zui zel ang em le?!




Post a Comment

0 Comments