PATHIANIN MAK DANGLAM TAKIN A SIAM CHE

- Rick Warren

- May 17, 2022



“I hnenah lawmthu ka hrilh ang che; hlauhawm tak leh mak taka siam ka ni si a: I thiltihte hi mak tak a ni a; chu chu ka nunna hian a hrechiang hle a ni.” Sam 139:14


Bible chuan nangmahah khan thil mawlmang engmah a awm lo a ti. Nangmahah khan chungchuanna leh danglamna tak  a awm a. Sam 139:14 ah chuan, “I hnenah lawmthu ka hrilh ang che; hlauhawm tak leh mak taka siam ka ni si a” a ti.


I nunah danglamna thlen tur leh Pathianin a siam chhan ang taka awm tur chuan, i nuna kawng hrang hrangte kha i thlir a ngai a, kawng khat chauh a tawk lo a ni. Thuhriltu 7:18 ah kan hmu, “Hei hi i chelh tlat a ṭha a, chu pawh chu thlah hek suh: Pathian ṭihtu chuan a chhuahsan vek si ṭhin a.” 


Tunlai chu i nihna siam theitu kawng nga kan zirho ang. Chung te chu nangma duhthlan an ni lo. Pathianin a pek che a ni zawk.


Lehkhaden hi i khel tawh ngai em? A tlangpui thuin i kawllai mek card hmang chauhin i khel thei ang. Midang ta nena indah pawlh a rem lo. “Mi dang kuta mi hi ka khel zawk dawn” tih a rem lo a ni. Nangma puala an pek che hmang chauh khan i khel thei a ni.


Chu chu tunlai kan nun dan nen pawh hian tehkhin a ni. I kut zala awm thilte chu entirnan nu leh pa, pianna hmun, chi leh kuang, leh talent.  Nangma thlan an ni hlawm lo, amaherawhchu i duh emaw duh lo emaw i khelh tur an ni tlat.


Bible chuan nangmaha nangmah nihtir tura a pek che chungchang a sawi nuala. Chung zingah chuan Bible-in i nihna lantirna dik tak kawng li a pek che a awm.


*He khawvela thil engkim hi sualnain a tikhawlo a ni.* I nunah englai mah hi famkim a awm lo, a chhan chu he khawvelah hian engmah hi famkim a awm si lo. Sik leh sa a chhe zova, sum leh pai a tlachhe zova. Kan taksa pawh a kehsawm hial. Kan inlaichinna pawh a kehchhe zo ta. He leia kan nunna hi engmah famkim a awm lo – a famkim dawn bawk hek lo a ni.


*Pathianin chhandam tur chein Isua a rawn tir.* Isua chu i sualna lak ata chhanchhuak tur leh vanram i kai theihna turin a lo kal – nangmaha nangmah aṭanga chhanchhuak tur che pawhin. Isua chu chhandamtuah i pawm a nih chuan, chung i card kawl mekte chu chakna card-ah a thlaksak thei che a ni.  


*I nun hman dan hi Pathian hmaah ila sawi dawn.* Midang thiltih hmangin Pathianin ro a relsak dawn lo che a. Amaherawhchu i kutzala card i kawl meka kha a ṭangkai thei ang bera hmang turin a beisei thung che a ni.


*Bible chuan Pathianin a siamchhan ang taka i awm dan tur a sawi.* Kawng danga kan sawi chuan, Bible chuan i kuta card awm hmanga hnehna i chan dan tur chiang takin a hrilh che a ni.


Ni nga chhung chu, nangmah nih tirtu che kawng nga rilru lam, inlaichinna, thil thleng leh duhthlanna te kan zirho ang. I danglam bikna, chungchuanna leh nihna i hrethiam tawh a, Pathianin a siamchhan che ang takin bul i ṭan thar teh ang.


Ngaihtuah zui atan


* I famkim lohna ṭhenkhat nangmaha danglam bikna neihtir thung che si engte nge? 


*Chungte chu Pathian ropui nan engtin nge i hman ṭangkai ang?


* Sualna avangin tumah an famkim lo, mahse Isuan min chhandam turin a lo kal. Chu chuan i nunah engnge danglamna a thlen?


*[Lettu: Sangpuia]*

Post a Comment

He post chungchanga i ngaihdan lo sawi ve rawh:

Previous Post Next Post