Ticker

10/recent/ticker-posts

I NIHPHUNG LEH INKUNGKAIHNA A PAIWMAWH

 Rick Warren

- May 18, 2022



“Lalpa i Pathian chu i thinlung zawng zawngin, i thlarau zawng zawngin, i rilru zawng zawngin, i chakna zawng zawngin i hmangaih tur a ni tih hi. A dawttu chu hei hi a ni: Nangmah i in hmangaih angin i vengte pawh i hmangaih tur a ni tih hi. Heng aia thupek ropui zawng reng reng hi a awm lo.” Marka 12:30-31


Pathian chuan i nihna nihtir theihna turin kawng ngain a duang che a. Chung kawng nga te chu i hriatthiam chuan Pathianin a siamchhan tak che i nih theihna turah danglamna nasa tak i nei ang.


Vawiinah chuan kawng hnih chauh kan lo indinchhohna leh kan inkungkaihnate kan en dawn a ni.  


*I nihphung hi tuna nangmah i nih theihna chhan pakhat a ni.* Hei hian i thisen zungzam thlengin a huam tel vek a ni. Lum leh vawt ti thei hlek lo emaw na tuar thei viau pawh i ni maithei e. Ṭhenkhat chu an chak lo em ema, ṭhenkhatte thung erawh chu bangah te an lawn liam thei thunga. Hnung zang na emaw, mit chak lo emaw, ruhlam chak lo emaw pawh i nei thei e. Midang nena inkawmna chungchangah pawh chak vak lohna pawh i ni maithei a ni.


I nihphungah a sual lai emaw a zahthlak lai emaw pakhat mah a awm lova – Pathianin a siam dan che a ni zawk.


Ṭum khat chu Jeans ṭet ka lei a: “He Jeans hi a danglam bikna tura duan a ni hrim hrim” tih a lo intar a. Chutiang chiah chu nangma nihphung chu ni. Danglam bikna kha i nei tlat a ni. I danglam bikna chu a awmsa ve reng, chhan leh awmze neia Pathianin a duan dan che a ni.


*I nihna nihtir lehtu che pakhat chu inkungkaihna hi a ni.* Inkungkaihna chuan i nunna awmchhan, awmzia leh nihna te a hril vek a. Inlaichinna ṭhalo aṭanga i chawrchhuak a nih chuan i nun awmzia leh i thil tuarah te zawhna i nei fo ang. Inlaichinna ṭha tak nei chunga i ṭhanglian a nih erawh chuan inkungkaihna i nei ṭha ang.


Isuan thil pawimawh tak ti tura min duha chu Pathian hmangaih leh midangte hmangaih a ni: “Lalpa i Pathian chu i thinlung zawng zawngin, i thlarau zawng zawngin, i rilru zawng zawngin, i chakna zawng zawngin i hmangaih tur a ni tih hi. A dawttu chu hei hi a ni: Nangmah i in hmangaih angin i vengte pawh i hmangaih tur a ni tih hi. Heng aia thupek ropui zawng reng reng hi a awm lo.” Marka 12:30-31


Nun chu thil thawh zawh emaw thil neih rei rui emaw, lar emaw hmingṭhat lam emaw pawh a ni ber lo. Engtia thukin nge i hmangaih tia - midang nena inkungkaihna zawk hi a ni.


*Pathianin a beisei che anga i tih theih lohna chhan pathum a awm a:*


*1. Tumah kan famkim lo.* Mihring famkim an awm miau loh avangin inlaichinna pawh a famkim thei lo a ni.


*2. Sualnain min ṭhen hrang.* Adama leh Evi te chu Pathian leh midang te nen vek pawha inlaichinna leh inkungkaihna tichhe hmasa ber an ni. Keimahni hi chhuanlam kan insiama, kan hmangaihte pawh kan mawhpuh tho bawk a ni.


*3. Kan inzawmna a chhiat poh leh, kan hlauhawm zual*

Inpawhna ṭha kan duh laiin, tlawm lutuk nih chu kan hlau si. Mi dangte pawmna chu kan duh laiin, hnawl nih chu kan hlau thung si. Inkungkaihna chungchang a nih chuan thil harsa tak tia i inngai maithei e. Mahse midangte nena inkungkaihnaah chuan nangmah hi mawh latu i ni ang. Pathian chu midang nena in inkungkaihnaah awmzia i neihtir em? Hun harsa liam tawh ngaihtuah chungin hma lam hun atan i ring thei em? Inlaichinna ṭha chu Pathian ropuina turin i chhawm nung zel dawn em?


I nihna chu Pathian ropuina tura hmang turin i inpeih em?  Vawiinah hian Pathianin nihphung neia a siamna che pawm la, Pathian puihnain inlaichinna ṭha siam tum zel ang che.  

 

Ngaihtuah zui atan


* Pathianin nihphung neia a siam a ropuina a tana a hman te i hmu tawh em? 


* “Nangmah i in hmangaih angin i vengte hmangaih rawh” tih hi engtin eng i tih ang? Inlaichinna harsa tak tak, thawhpui emaw inlaichinna kehchhiate han ngaihtuah teh le?


* Mi rilru tihnat ai chuan engtin nge midangte nena inlaichinna ṭha leh hrisel siam turin social media i hman ṭangkai ang?


*[Lettu: Sangpuia]*

Post i hmuh dan

Post a Comment

0 Comments