NGAIHDAM I NIH ANGIN NGAIDAM VE RAWH

— Rick Warren 

— 05/25/2022



“Lalpa chuan a ngaidam che u ang tak khan ngaidam ve rawh u." Kolossa 3:13


Mi tuemawin ril taka a tihnat chein, ngaihdamnain i chhanglet lo a ni maithei e. Chu ai chuan, a tinatu chungah chuan natna leh khakna thlentir zual i duh maithei. Mahse Pathianin ngaidam turin a ti che, thil hlui liamtir turin leh a tinatu chunga khakna zawng zawng pawh paihbo turin a duh che.


Diktak chuan, Bible-in i ngaihdamna chhan tur pathum a sawi. Chung a chhan pathum a sawi zingah chuan ngaihdam an phu leh phuloh pakhat mah a tello.


*Pathianin a ngaihdam che avangin tinatu che chu i ngaidam tur a ni.* “Lalpa chuan a ngaidam che u ang tak khan ngaidam ve rawh u." Kolossa 3:13


Midang ngaidamtu i nih duh chuan, Isua Krista kaltlanga Pathian ngaihdamna i pawm hmasa tur a ni. Bible chuan Pathian chu mihringah changin Isua chuan kan tihsualte ngaidam turin a lo kal a ni. Isuan kan sual man chu a tlak tawha i tihtur a awm ve lo. Chu chu Chanchin Ṭha a ni.


*Nangmah tinatu chu i ngaidam tur a ni, anihloh chuan, huatna i nei zel ang.* Thuhriltu 7:9 ah chuan, “I rilruah thinur hmanhmawh suh, Mi âte ṭang laiah a cham thin, thinurna hi” a ti.


Huatna chuan nguina a thlen tir a, hun liam tawh hnuah a cham tir reng thei che a ni. Hun kal tawhah ila tang anih chuan, chu chuan a thunun tlat ang che. Eng lai pawhin thil i ngaihuaa, chu chuan a thunun che a ni. Kum 5, 10 emaw 20 liamtaa nangmah tinatu che kha intihnattir leh turin i inphal em ni? Kum tam tak liamtaa tinatu che kha intihnattir nawn tawhlo turin duhthlanna siam la. Hun kaltawh chu kaltawh a ni a. I kal liamtir angai a ni.


*Nangmah tinatu che chu i ngaidam tur a ni a chhan chu hmalam hunah ngaihdamna i mamawh zual dawn avangin.* Isuan Matthaia 6:14-15 ah, “Mi an bawhchhiatte in ngaihdam chuan, in Pa vana miin a ngaidam ve ang che u. Nimahsela, mite in ngaihdam si loh chuan, in Pain in bawhchhiatte a ngaidam bik lovang” a ti.


Ngaihdamna hi chu kawtthler kalna pahnih awm ang hi a ni. I pek phalloh chu dawn pawh i dawng thei lovang. Mi tuemaw in John Wesley a hrilha, “Kha pa kha ka ngaidam thei lovang!” Wesley erawh chuan, “Chuti chu sualna i neih miahloh ka beisei ang” tiin a chhang thung.


Rilru natna a thuk viau chuan, ngaihdam a har ṭhin. Mahse ngaihtuahla thil pathum ngaihdamna chhan tur i nei: Pathianin a ngaidam tawh che a, huatna chuan in thunun tir i duh lo ang, ngaihdamna hi hmalam hunah pawh ila mamawh chhunzawm ve dawn.


Vawiinah hian ngaihdamna zalenna hnuaiah nung turin duh thlang ang che.


Ngaihtuah zui atan


* Hun kaltawh aṭanga hmalama i pen theihnan tunge ngaihdam tur i neih le?


* Pathian ngaihdamna chuan ngaidam ve turin engtin nge a hneh che?


* Mi in a ngaihdam tawhna che avangin nangmahah rahṭha engnge a chhuah le?


*[Lettu: Sangpuia]*

Post a Comment

0 Comments