Mizo Nula Rosalynn Lushai-in 'Motivating Woman of the Year 2021' dawng

Aizawl | May 12, 2022: Mizo biker girl Rosalynn Lushai tia hriatlar Rosalynn Lianhmingthangi chu vawiin khan 'Motivating Woman of the Year 2021' hlan a ni.


Awlsam leh rang taka news i dawn theih nan EXPLORE MIZORAM telegram channel hi i lo join ve dawn nia @ https://t.me/exploremizoramchannel

He Award hi vawiin khan hlan a ni a. Rosalynn Lushai hi khawtlang leh hmeichhe dinhmun chawisanna kawnga a thawhhlawk vangin hlan a ni.

Find Studioz leh Indian Chamber of Commerce for Affirmative Action buatsaih Front-Liners Award 2021 leh Northeast Unsung Heroes Red Carpet sociak Awards 2021, Mumbai-ah Mizo Biker Girl, Royal Enfield Rider Rosalynn Lushai hi 'Motivating Woman of the Year 2021' chawimawina hlan a ni.


Award hlan a nih chhan sawiin Rosalynn Lushai chuan, "Mizoram chhung leh pawn hmun hrang hrangah Bike khalh pahin hmeichhe dinhmun chawisanna lam thute ka sawi ve thin a, hemi bakah hian hmeichhiain Bike ka khalh hian mi tam tak a hmei a pa motorcycle khalh mai ni lovin an tih ngam loh thil a tha zawnga an tihngam phah nana fuihtu a nih avangin he chawimawina hi min hlan a ni," tiin EXPLOREMIZORAM.COM zawhna a chhang.


Rosalynn Lianhmingthangi aka Rosalynn Lushai hi C Kapliansangi leh C Hranghmingthanga te fanu niin, January 21-ah a piang a, Unau pali zinga upa ber a ni a, Bawngkawn, Aizawl-a cheng leh khawsa niin, Presbyterian Church of India Kohhrana lawi an ni.


Zirna lamah chuan Graduate tawhin, NEHU azangin BA History a zo a,  tunah hian PG a zawm leh mek a ni.


Rosalynn Lushai hi a nuan tih ber chu 'Riding and reading' a nih ang hrimin Bullet khalh ṭhin a ni a, India rama Bullet club upa ber Aizawl Thunders-ah member a ni.


Rosalynn  Lushai hian Mizoram chhung bakah Mizoram pawn vawi tam a lo ride tawh a. Northeast hi vawihnih a thual tawh a, Innterstate a tlan nasa hle a, Northeast state hrang hranga kum tina neih ṭhin North East Rider Meet (NERM) ah pawh a kal nasa viau tawh a ni.

India ram pawn pawh ṭum eng emaw zat lo tlan thleng tawhin - Burma 2013, Nepal 2017 leh Bhutan 2018 te a lo inkhalh thleng tawh a ni.

Post a Comment

0 Comments