Ticker

10/recent/ticker-posts

FEATURE | ICFAI University Mizoram Miss 2022 Mamtawii Khiangte




ICFAI University Mizoram Miss 2022 Mamtawii Khiangte i lo belchiang ang.


Mamtawii hi a lai-ah hming chu  Lalhmangaihfawnveli niin, Rochhari leh K Lalremruata te inkarah June 28, 1997 khan a lo piang a. Bawngkawn, Aizawl-ah chengin an khawsa a, Kohhran lamah chuan United Pentecostal Church ah an lawi.


Mamtawii hi 5'3 a sang niin, unau pali niin mipa 1 leh hmeichhia 3 an ni.



Zirna lam:
* Pawl 10  hi Providence High School ah 2013 khan ka pass a. Pawl 12 hi St Joseph Higher Secondary School aṭangin 2015 khan ka pass leh a. Tunah hian ICFAI University Mizoram-ah Master of Social Work (MSW) 2nd semester ka zir mek.

Hobby: Cleaning house with good music


I duhzawng leh ngainat zawng hrang hrangte?
Lehkhabu duh: 2 States (the story of my marriage) ziaktu Chetan Bhagat
Actor/Actress: Selena Gomez (American actress and singer)
Zaithiam: Robyn Rihanna Fenty
Chawhmeh: Vawksa
Hla: Contemporary R&B
Hmun: Shillong
Rawng: Yellow
Ziaktu: Chetan bhagat


Mize ngainat zawng:
- Mi dang te ngaichang thiam 

Mize ngainat loh zawng: 
- Mi dang mizia hian ka nun a tibuai em em hran lo.

Kawppui tura duhzawng?
- Mi rilru tluangtlam, Pathian tih leh min hmangaihtu.

📌 Relationship status:
- Single


Aim in life: 
- Mi dang ten hlawkna an hmuh theihna tura awmze nei taka nun.


📌ICFAI University Mizoram Miss 2022 thlanna a tel chhan? 
- Kan department aiawh tura min ruat avanga tel ka ni.

📌 ICFAI University Mizoram Miss 2022 nih hi i inring reng em? 
- Ring hran lo, department representative ka nih angin ka theih tawp erawh ka chhuah.

📌ICFAI University Mizoram Miss 2022 in I nuna nghawng a neih?
- Mahni inrintawkna min pe.

📌 Modelling lam hi i tui reng em?
- Miss IUM a tel theihna hun tha ka nei hi ka lawm a. Modelling erawh ka tuina ber a ni lo.
Tin, university miss thlanna leh modelling line hi thil hrang hlak niin ka hre bawk.



:::ZAWHNA DANG:::
1. A tel lova i awm theih loh: 
- Ka chhungte leh ka thiantha te

2. I nun kaihruaitu:
- Ka nu

3. Hringnuna i hlauh ber: 
- Hmasawn loh/ hnungtawlh zawnga nun hman

4. I tih ngai miah loh tur: 
- Mi ten ka chunga an tih tura ka duh loh.

5. Mizo Tualzal nuna ṭha i tih:
- Mizo te min ti mizo em em tu tlawmngaihna a bikin mithi lumen leh thlan laih

6.  Quote i duh ber: 
- 'A wise man can be a fool in love’
~ Chetan Bhagat

7. Mizoram leh Mizo tualzal nuna Mizo hmeichhiate dinhmun:
- Mizo inneihna, inthenna leh ro sem chungchang dan 2014 kan en hi chuan kan Mizo hmeichhia te dinhmun pawh a that chhoh ve zel a beisei awm ka ti. Mahse, ziak ringawt nilo in a tak ngeiin hmangin nunpui chho zel thei ila a chenfak awm zual ngei ang.


8. Hnam hmingṭhat leh hmingchhiat kawngah Hmeichhiate'n mawhphurhna:
Chhungkua, khawtlang leh hnam siam tha a veng him tur  hian tu pawh, mipa kan ni emaw hmeichhia kan ni emaw kan pawimawh dan a inang vek ah ka ngai. Mahni hnam venhim hi mitin mawhphurhna a ni.

9. Hnam ziarang chawinun kawnga Hmeichhiate mawhphurna:
- Hnam fing zawk te Chuan an ni aia ram leh hnam changkang zawk  hnen atangin a tam thei ang ber an zir a, amaherawh chuan an hnam nunphung (culture leh tradition) an kalsan kher ngai lo. Chu rilru puthmang chu kan neih theuh theihna turin midang te hneh theihna ngah tak mai hmeichhia te hian hma an hruai thei in ka ring.


10. Mizote tan 'Fa neih tlem' inzirtir hi a ṭulin i hria em?
 - Pathian malsawmna a nih avangin mihringin a kan lo control chi ah ka ngai lo.

11. Mizo hnam ṭhanmawh bawk nia i hriat? 
- Mahni insitna leh mi dang te tha zawk leh thiam zawk a rinna kan nei lian lutuk a hei hian kan nih theih phak aia hniamah min dah.

12. Mizo hnam damna atana  kawng awm nia i hriatte?
- Kristian ram kan nih angin kristian te nun dan awm renga mawi, kan thil tihna apiang a rinawm hi kan damna tur niin ka hria.

13. Hnam chhan nana Hmeichhiate ṭangkaina leh mawhphurna?
- Sap ho in 'a house is not a home without a mother' an tih ang khan hmeichhia te  pathian in a siam ropui leh hlut zia kan la hre chho zel dawn a nih hi. 
Khawi hmun ah leh engtik hunah pawh nu hmangaihna nen chuan hlauh tur a awm lo.


14. Zirna, Khawtlang leh Kohhran hi? 
- Zirna, khawtlang leh kohhran hi thil kalkawp tlat ah ka ngai a. Heng hmun atang te hian thil tam tak kan zir chhuak vek ani. Amaherawh chu, lehkha zirlai ka nih ang in zirna ka ngaipawimawh a, a tul hun a zirin kohhran leh khawtlang activities ah erawh priority pek thiam a pawimawh tel ka ti bawk.

15. Khawtlang, Kohhran leh nangmah: 
- A ṭul dan leh ka lehkha zir tibuai lo tur tawkin kohhranah ka inhmang ve a, hei hian tun chinah chuan ka nun a khalh ngil hle a, ka tan chuan zirna in tha tak pakhat a ni bawk.

16. Social Media leh Nangmah: 
- Social media hi thalai ten hmang lo ila chuan tun ang a nasa hian kan ram thalaite hian hma an sawn ka ring lo. Kei ngei pawhin thil tam takah ka hmang tangkai thin hle.

17. Mizoram ṭhalai tam tak tlakchham: 
- Mahni inrintawkna

18. Mizo ṭhalaite hian ngaihsan tur dik an ngaisangin i hria em? 
- Kan ngaihsan te a a tha lai zel copy ila chuan ngaihsan tur dik kan ngaisang ka ti ngei ang.


19. Ngaihsan tur dik nia i hriat:
- Kan nu leh pa leh zirtirtute hi kan lei Pathian an nih angin ngaihsan tur dik tak an niin ka hria.

20. Hlawhtlinna tura pawimawh: 
- Mahni tuma chian, tawrhchhelna leh tei rei peihna.

21. hloh i hlauh ber:
- Ka nun hi hloh ka hlau ber.

22. Zo hnam inpumkhatna hi a thlen theih i ring em? Thleng thei turin engnge pawimawh nia i hriat?
- Tun ang generation/ internet khawvel ah chuan ngaihdan hrang ṭheuh nei a mahni ngaihdan dan a kal mai zel kan nih avangin inpumkhat a kan awm leh theih chu ka ring lo.

23. Hnam dang nupui pasal neih hi:
- Mahni hnam threuh humhalh chu a tha ka ti teh meuh mai. Mahse, hmangaihna hi a ril em a, kan tawn ve loh thil anih chuan mi chungchang hi lo rel fel sak tum chi ah ka ngai lo.

24. Nupui pasal neih hmaa mipat hmeichhiatna hman hi:
- Kristian kan nih angin kan tih loh tawp tur a ni.


EXPLOREMIZORAM.COM i hmuh dan:
- Explore mizoram hi website update tak, mi zawng zawng ban phak mit leh beng ti tlai tak a niin ka hria.






Founder/Editor
Explore Mizoram


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)




Post i hmuh dan

Post a Comment

2 Comments

He post chungchanga i ngaihdan lo sawi ve rawh: