Ticker

10/recent/ticker-posts

India zalenna sualtu Darthawma Renthlei chawimawina hlan

Aizawl | May 4, 2022: India ram zalenna kum 75 na (Azadi Ka Amrit Mahotsav) lawmna kal zelah Lunglei Deputy Commissioner Office chuan kum 2019 a thi ta, Pu Darthawma Renthlei chhungte hnenah chawimawina Certificate a hlan.
DC Pu Kulothungan A chuan India zalenna kum 75 lawmna kal zelah India sorkarin zalenna sualtu 75 thlanchhuah zingah Pu Darthawma Renthlei chawimawi tura tel chu a lawmpuiin a chhuang hle tih a sawi a. Pu Darthawma Renthlei chu India in zalenna a sualna kawngah nasa takin tha leh zung a seng a, Indian National Army ah telin India in zalenna a sualchhuah naah a thawh hlawk hle a ni a ti, a inpekna leh huaisenna te chu thangthar lo awmzel tur ten an entawn zel dawn a ti bawk.
Pu Darthawma Renthei hi kum 1920 khan Pukpui khuaah a piang a. November ni 27, 1940 ah British Army a zawm a. Kum 1941 khan Malaysia a thawn zingah telin kum 1942 khan Japan leh British sipaite chu Prisoner of War ah man niin Pu Darthawma Renthlei pawh hi a tel a ni. Jail atanga a chhuah hnuin Indian National Army a zawm a, man niin kum 1946 ah chhuah zalen a ni. India ramin zalenna a hmuh hnuah Freedom Fighter of India ah pawm a ni a. India zalenna sualtute tana siam Tamrapatra Award chu August ni 15, 1973 khan hlan a ni bawk. Pu Darthawma Renthlei hi Lunglei Chanmari ah a nupui fanau te nen chengin July ni 21, 2019 khan a thi a ni.

- AIR Aizawl
Post i hmuh dan

Post a Comment

0 Comments