Boss Amanda tlangzarh a ni ta; Ṭhalaite ngaihven a hlawh

Aizawl | May 5, 2022: Runmawi Original Series 'Boss Amanda' chu May 3 zan khan Premiere Show neiin tlangzarh a ni.

He film thar hian tlangzarh a nih hma aṭangin ngaihven a hlawh a, tlangzarh a nih hnuin sawizui a hlawh nasa zual hle.

He film-ah hian Miss Mizoram 2020 Finalist leh Miss Zofa International 2018 ah pawh lo inlan tawh Zuali Chhangte chu a changtunu a ni a. Sam a lemah Rintluanga G a chang bawk.

Anni pahnih hi Govt Johnson College zirlai ve ve an ni. Anni bakah hian lemchan thiam tak tak an inlan a, Miss Zofa International 2018 aṭanga hriathlawh Baby Zoremsangi Pachuau pawh a inlan a ni.

Boss Amanda thawnthu hi Toni Ralte ziah a ni a. Mawitea Hauchhum chu director a ni.

'Boss Amanda' thawnthu lo chhiar tawh leh lo ngaithla tawh tam tak chuan a thawnthu leh film a inmil ang em? tih chu an zawhna a ni.

Boss Amanda hi Runmawi.com ah man chawia en theih tura dah ni.

Boss Amanda hi a thawnthu vang leh a changtute vangin ṭhalaite ngaihven a hlawh hle.