Ticker

10/recent/ticker-posts

I DUHTHUSAM ANGA NUN CHU THLANG RAWH

- Rick Warren

- 4 May, 2022



“Mi tinin mahni phur an phur ṭheuh dawn si a” Galatia 6:5

Mi te chuan an duthusam chu kawngthum zinga eng emaw ber hmangin an hmachhawn ṭhina:

Midang an puha, chhuanlam an siam emaw an duh an thlang bawk ṭhin.

Midang puh ṭhintute chuan an hlawhtlin theihlohna chhante chu midang puh nan an nun pumpui chu an hmang ṭhin. Chhhuanlam siam ṭhintute chuan an duhthusam anga an nun theihlohna chhan sawiin chhuanlam an siam ṭhin.

Duhthlang ṭhintute chuan an duhthusam anga an nun theihna turin thil an ti mai ṭhin.

Bible chuan Pathian anpuia siam kan nih thu min hrilha. Duhthlan theihna hi mihringte chungnun bikna leh ramsate nena kan danglam bikna pawh a ni. Pathianin mihringte thilpek hlutak min pek zinga mi a ni a. Duhthlanna zalen awmzia chu duhthlanna sual pawh i thlang thei tihna a ni a, i tana anchhia nasa tak pawh a ni thei a ni.

Duhthlangtute chuan mawhphurhna an la ngama, an nun kawng zawh chu an hmachhawn ngam a ni. Midang an puh ve lova, chhuanlam an siam bawk heklo.

Bible-a Galatia 6:5 ah chuan, “Mi tinin mahni phur an phur ṭheuh dawn si a” a ti a ni. 

I duhthusam i thlen theihloh avanga mawhpuh tur zawn ai chuan, i thil la tih lohah chuan ṭan la zawk ang che. I duhthlan dik leh dikloh chuan thil dang aia nasa zawkin i duhthusam i thlen leh thlen lovah kawngro a su a ni.

Mi ṭhenkhat engmah ti lova, an duhthusam piah lama hlawhtlinna chang an awm a. Mi ṭhenkhat an duhthusam thlen turin engkim ti a, engmah lova an hun khawhral si an awm ve bawk. Nuna thil lo thlengte hi chu thunun theih an ni lo. Amaherawh chu chung thil thleng hmachhawn dan chu thunun theih a ni thung.

Thufingte 22:13 chuan, “Mi thatchhia chu chhuanlamin a khat a” a ti (TLB). Chutiang mi chu ni ve hauh suh. I duhthusam ila hmuhchhuahloh avang mai chuan chhuanlam siam bansan ang che.

Vawiinah hian Pathianina duhthusam a pek che i tih hlawhtlin theih nan duhthlanna siam ang che.

Ngaihtuah zui atan

* I la haichhuahloh duhthusam haichhuak turin “chhuanlam siamtu” nge nih chakawm ṭhina “midang mawhpuh” ṭhintu zawk? Engvang nge?

* I duthusam chu Pathian hnen aṭanga mi a ni tih engtin nge i hriat theih ang?

* Hun rei tak aṭanga duhthusam i neih chu a hlawhtlin theihna turin engtin nge vawiinah hian rahbi pakhata ke i pen theih ang?

*Isua tan duhthlanna siam rawh*

Eng pawh lo tisual tawhin, khawiah pawh lo awm tawh mah la. Pathianin hun ṭha a pe leh che a ni. I thil tihsual zawng zawng a hre vek, i hlawhchhamna zawng zawng te pawh, a la ngaihsak reng chein ala hmangaih reng che a ni.

A khawngaihna ropui tak mai chu nangmahina i thawhchhuah turah a ruat lo che a; i rinna chu Fapa Isua Kristaa i nghah chuan Pathian thilpek khawngaihna avang chuan chhandamin i awm ang. Pathian khawngaihna chu Isua kaltlanga i pawm thei dawn anih chuan, he ṭawngṭaina hi lo hmang ang che. 

“Lalpa duhtak, misual ka ni tih ka inhria e, i ngaihdamna ka dil a che. I fapa Isua Krista chu ka ring a. Ka sualnate avangin a thia, thihna ata nunnaah i kai tho tih pawh ka ring e.  Chhandamtu atan ka pawm che a, i hnung zui turin vawiin aṭang hian ka inpe e. Ka nun min hruaila, i duhzawng ti turin min pui ang che. Isua hmingin ka dil e.  Amen.”

*Lettu: Sangpuia*

Post i hmuh dan

Post a Comment

0 Comments