Ticker

10/recent/ticker-posts

HSLC 2022 result chhuak; Dinsawmkimi leh Lalramdina Ralte te topper!

• Pass percentage 70.64

Aizawl | May 17, 2022: Mizoram Board of School Education (MBSE) chuan High School Leaving Certificate (HSLC) Examination 2022  result chu vawiin chhun dar 12 khan a tichhuak a, Dinsawmkimi leh Lalramdina Ralte te ch mark 500 ah mark 484 ve ve hmuin topper an ni.

Kumin pawl 10 pass hi 70.64% an ni.



[News update awlsam taka i dawn theih nan telegram channel hi lo join ve ta che https://t.me/exploremizoramchannel ]




Lalhmachhuana fanu Dinsawmkimi hi St Joseph Higher Secondary School zirlai niin, English, Maths, Science, Social Science leh Mizo ah te letter a hmu a.
Lalthakima fapa Lalramdina Ralte hi St Paul's HSS zirlai niin English, Maths, Science, Social Science, Mizo leh IIT ah te letter a hmu.

Kumin HSLC examah hian candidate 18,357 an awm a, candidate 940 in exam hmachhawn lovin   mi 17,417 in exam an hmachhawna, heng zinga 8226 mipa niin, 9191 hi hmeichhia an ni. 17,417 aṭangin mi 12,304 an pass a, heng zinga 5913 hi mipa niin, 6391 hi hmeichhia an ni thung.
Exam hmachhawn aṭanga chhutin mipa 71.88% an pass a, hmeichhia 69.54% an pass thung a. Kumina exam hmachhawn aṭanga pass zat hi 70.64% a ni.

Kumin hian distinction a pass 1,437 an awm a, heng zinga 648 hi mipa niin, 789 hi hmeichhia an ni. 1st Division ah 3716 an pass a, mipa 1701 niin hmeichhia 2015 an ni a, 2nd division ah 4309 pass-in mipa 1984 niin hmeichhia 2325 an ni a. 3rd Division ah 2842 passin mipa 1580 niin, hmeichhia 1262 an ni thung.

Result PDF: HETAH a awm.







RESULT ENNA:
Kum dang nen a inan chuan, kum danga an tih ṭhin dan chuan Result hi MBSE website - www.mbse.edu.in  ah en theihin a awm ṭhin.

Hemi bakah hian ṭum danga en theihna India results aṭangin a ni a, link chu http://mizoram.indiaresults.com/mbse/default.aspx a ni.

MBSE website aṭanga lutte tan a hnuaia thlalak kan dah ang hian result tih ah khan hmeh tur a ni.


A hnuaia kan dah hi India Results aṭanga result enna lan dan a ni.

Pawl 12-ah hian Roll.no, hming leh stream te chu a pawimawh zual a ni a. Pawl 10 ah hian hming leh roll no. chu a pawimawh zual a ni.





[News update awlsam taka i dawn theih nan telegram channel hi lo join ve ta che https://t.me/exploremizoramchannel ]



(Website leh a hnuaia fakna hi lo hmet ve rawh.)


Post i hmuh dan

Post a Comment

0 Comments