MBSE HSLC result chhuak; Mark 476 hmuin topper pathum awm

Zirlai 12,324 an pass a, za zelah 68.33 in an pass a ni.

Aizawl | May 13, 2020: Mizoram Board of School Education (MBSE) chuan vawiin dar 1 khan High School Leaving Certificate (HSLC) examination 2020 result a tichhuak a, Mark 500-ah mark 476 hmuin topper pathum Lalhlimpuii, Simon Lalremsiama, leh Singkhokhai Chozah te an awm a, heng topper te hi St Paul's Higher Secondary School, Aizawl a kal vek a an ni.

- exploremizoram.com



Topper pathum te hi C Vanlalsiama fanu Lalhlimpuii,  SHANGPLIANG Kyrshanbor Shangpliang fapa Simon Lalremsiama leh C Thahe Fanu Singokhai Chozah te niin anni hian mark 476 hmuin Distinction ah a pass a,  Englsih, Maths, Science, SS, Mizo leh IIT ah te letter mark a hmu vek a ni.


Topper zinga pahnih Singokhai Chozah leh Simon Lalremsiama ten MZP Inter HS Quiz 2019 pakhatna lawmman an la lai, H&TE minister Dr R Lalthangliana nen


exploremizoram.com

Topper pathum zingah hian hmeichhia pahnih niin, Mipa pakhat a ni. Top 10 ah hian mi 16 an awm bawk.

Kumina pawl 10 exam-ah hian zirlai 18,036 in exam an hmachhawn a, Zirlai 12,324 an pass a, za zelah 68.33 in an pass a ni.

Distinction a pass hi 851 an awm a heng zinga pakhat hi private a hmachhawn a ni. 1st Division-ah mi 2,863 an pass a, 2nd division-ah mi 4516 pass-in 3rd division-ah mi 4094 an pass bawk.

Pawl 10 exam hmachhawn 18036  zingah hian Mipa 8422 awmin,  Hmeichhia 9614an awm a.  regular a exam mi 17712 zingah mipa 8235 awmin, Hmeichhia 9477 an awm a, Private a exam hmachhawn 324 zingah Mipa 187 awmin Hmeichhoa 137 an awm bawk.

exploremizoram.com

Pawl 10 pass 12,324 zingah hian Mipa 5888 an awm a, hmeichhia 6436 an awm bawk a, Mipa hi za zelah 69.91 an pass laiin hmeichhia hi 66.94 an pass thung.

Zirlai regular a exam hmachhawn 17712 atangin 12219 in an pass a, 68.99 in an pass tihna a ni. Private a exam hmachhawn zirlai 324 atangin 105 in an pass a, 32.41 in an pass thung.

Zirlai exam hmachhawn zawng zawng pass vekna sikul 65 an awm laiin exam zawng zawng fail vekna sikul 16 a awm thung.

To get your results on SMS type MBSE10 <Roll No> & send to 5676750
e.g. MBSE10  2131422 send to 5676750

PDF Result hetah awm.  (hmet la)


- H Zate
Founder/Editor
Explore Mizoram





(A hnuaia fakna hi lo hmet ve rawh.)

2 comments:

He post chungchanga i ngaihdan lo sawi ve rawh:

Powered by Blogger.