Ticker

10/recent/ticker-posts

Samagra Shiksha hnuaiah Siaha district zirlai sing khat chuang hnenah a thlawnin zirlaibu sem

Siaha |April 25, 2022: Vawiin chawhnu dar 1:00Pm khan Samagra Shiksha,Siaha district chuan Free Text book a semchhuak tan.


Vawiin flagging off & distribution of Free Text book programme tawi hi Gov't Higher Secondary School kawtah hman niin, programme hi Pu C.Lalbiakzauva,DEO & DPC Samagra Shiksha in a kaihruai a. District bawrhsap leh District Education Committee chairman nibawk Pu Lalsangliana'n khuallian niin, Free Text book thenkhat a hmunah semchhuakin, hmundanga sem tur text book phur lirthei a vailiam bawk.


Pu Sangliana chuan Free text book semnaah hian thu sawiin, Zirna in khua leh tui tha-ah min siam a, Khua leh tui tha awmna ram apiang ram hmasawn leh changkang an ni thin. Chu Zirna kan neih theih nana hmanrua pawimawh ber pakhat chu Zirlaibu hi a ni.Zirna In tha tak min sak sak bakah,kum engemaw zah kal ta atang khan sawrkarin text book hi a thlawn in a lo sem chhuak tawh a. Vawiin text book tha hnem tak a thlawna kan sem leh theih tur hi ka lawm tak zet a ni.Hei hian mipui rorelna Democracy ram thatzia pawh a lantir hle in ka hria a, zirlai naupang te pawhin he text bu a thlawna an dawn hmang hian thiamna zirchhuak se, khua leh tui thaa inchherchhuah nan hmang se tih hi ka duhsakna a ni, a ti.

Samagra Shiksha, Siaha district chuan Free text book hi zirlai 11260 hnenah sem niin; Primary school naupang 6398 hnenah leh Middle School naupang 4862 hnenah a sem chhuak mek a ni. Primary School zirlai naupang Class-I to IV te hnenah Bu 3(Subject 3 tan) theuh leh Class-V zirlai naupang te hnenah Bu 4 theuh sem mek a ni a. Middle School naupang te hnenah Bu 4(Subject 4 tan) theuh semchhuak mek ni bawk.Siaha district-ah hian Gov't Primary School 124 leh zirlai naupang 6398 awm mekin, Gov't Middle School 86 leh Zirlai naupang 4862 an awm mek a ni.

Myanmar Raltlan zirlai naupang 929 hnenah Free Text book hi pek ve an ni bawk ang.

Vawiin Free Text book semna Programme tawi hi Pu Hillei Lakher, Dy.DPC chuan lawmthu sawina in a khar ta a ni.


- DIPR
Post i hmuh dan

Post a Comment

0 Comments