Poshan Pakhwada kharna hun hmang

Aizawl | April 4, 2022: Women & Child Development Department chuan March 21 – April 4, 2022 chhunga Poshan Pakhwada a hman mek kharna, (Closing Closing Function) vawiin khan The Terrace Restaurant, Ajal Club, Khatla-ah an hmang.

He Closing Function-ah hian Social Welfare Department secretary Sangchin chu khuallian a ni.

Pi Sangchin Chinzah, Secretary, Social Welfare Department chuan thuchah sawiin,  “POSHAN Pakhwada hlawhtling taka hmang tur hian Women & Child Development chauhin hma a la theilo a, kan thawhpui Line department hrang hrang Ayush, Health Services, MzSRLM, LAD, UD&PA, YMA , Kohhran a thalaite leh Govt. T. Romana College-te nena kan thawhhona a ropui ka tiin entawntlak ka ti hle bawk. Tun POSHAN Pakhwada theme ‘Identification & Celebration of Healthy Child & Integration of modern & traditional practice for healthy India’ a nih  angina, naupang hriselna leh naupang hriselna dinhmun hriat kawngah leh enkawl kawngah tan I la zel ila, kan ram ngeiah hian kan taksa in a mamawh ang chaw tha kan tharte hi hmang tangkai deuh deuh ila. Nu naupai leh naupang hrisel tha tak nei thei turin kan thil ei uluk hle ila, Thalaiten thawksa sawizawi, ei leh in hrisel uarin ngaisang zual zel ila, kan tih theih mai, kan ban phak a taksa hriselna tur Ei leh In kawngah emaw, taksa insawizawi leh enkaw kawngah emaw theih tawpin hma I la zel ang u. Tin, Kan ramin hma a sawn zelna atan naupang te an pawimawh em em a, nakin huna kan rawm enkawl tu tur an ni, chuvangin an hriselna kawnga kawng kawhhmuhtu kan nih avangin, eitur hrisel, chaw tha pawimawhzia hi heng kan naupangtah hian tuh tlatin, a zau zawka midangte zirtirtu turin tan I la zel ang u.

A tawp berah chuan kan rama chawtha kham khawp ei loh avanga natna leh chaklohna hrang hrang nu leh naupang a  thleng thin te umbo zel turin leh hnam hrisel leh pian tha kan lo nih chhoh zel theih nan theihtawp chhuah a hma la turin ka sawm in ka ngen tak meuh che u a ni,’ tiin thuchah a sawi.

He hunah hian Pi Lalrammawii Kawilam, Principal AWTC chuan ECCE (Early Childhood Care & Education) chungchanga Video Clip tawi insiamsiak Result puanna hun a nei a;

1st Prize – Lunglei District, Pukpui Centre-I, Lunglei ICDS Project

2nd Prize – Kolasib District, Bualpui AWC-i, Thingdawl ICDS Project

3rd Price – Aizawl District, Chanmari West AWC- III  Aizawl Urban

Poshan Pakwada 2022, review enho a ni a, Pi Lalmalsawmi, State Nodal Officer chuan, Poshan Pakhwada hman a nih chhunga State level, District Level, Porject Level, Field Level (Anganwadi Centre)-a an hmanna thlirletna hun a neihpuia, a lem nen a  tilangin Mizoram hmun tina an hman dan a sawifiah bawk.

Poshan Pakhwada Closing Programme hi Pi Lallianpuii, Director Women & Child Development chuan a kaihruai a, in lawmna thuchah sawiin, Poshan Pakhwada chu Eitur hrisel lam hawia infuihna leh inzirtirna beihpui a nih thu sawiin, Kum tin March thlaa hman thin a nih thu leh, tun tum hi Poshan Abhiyaan Mizoram-in a kalpui hnua a tum 4-na  anih thu a sawi bawk. Poshan Pakhwada kan hman chhunga thawktute inpekna leh Line Department hrang hrang, khawtlang leh zirna lam, thalaite leh pawl hrang hrangte nena thawhho na tha tak a taka hmuh tur a awm avangin a hlawhtling a ni a ti.

Closing programme ah hian Pi Zoramthangi Chhangte, Joint Director, Women & Chid Development hnen atangin lawmthu a sawi.

He Closing Prorgamme hi Mizoram puma Wemen & child Development hnuaia thawktu hrang hrang te’n online-a an lo chhim theih turin Poshan Abhiyaan Mizoram Youtube Channel-ah pek chhuah a ni.

Women & Child Development chuan March 21 – April 4, 2022 chhung hian Poshan Pakhwada a hmang mek a, ‘Identification and Celebration of Healthy Child’ leh Integration of Traditional and Modern Practices for Healthy India’ tih thupui hmangin Women & Child Development chuan State Level, District Level leh Project Level-ah he Nutrition Forthnight hi programme hrang hrang siamin a hmang.

POSHAN Pakhwada chhunga Hmalakna hrang hrangte:

State Level-a hmalakna:

March 21, 2022 khan Pi Lallianpuii, Director Women & Child Development chuan Online Application kaltlangin Poshan Pakhwada hi a hawng a, Mizoram hmun hrang hrang a Women & Child Development-a thawktute’n online hmangin an chhim.

21 March & march 28 zan khan State Level Prorgamme atan, Youth Group Meeting neih a ni a, YMA leh Kohhran-a pawl Branch then khatte nen hun hman a ni , Ei tur hrisel pawimawhna te, ei tur hrisel uar kawng a Naupang zawk  leh thalai zawkte pawimawhna inzirtirna hun hman a ni.

March 28, 2022 khan , Tui khawl, renchem leh heng kawnga hmeichhiate mawhphurhna leh pawimawhna PHE Department nen a zirhona hun Poshan Abhiyaan Mizoram Youtube Channel hmangin neih a ni a, Mizoram hmun hrang hrang a field functionaries (Anganwadi Worker & Helper), Project level-a thawktute, District Level-a thawktute leh Directorate-a thawktute nen hun hman a ni bawk.

April 1, 2022 khan YWCA nen a thawkho in Cooking Demonstration, Traditional Foods for Mother & Child tih thupuiah hmangin, Nu, Nausen leh Naupangte tana kan ramchhung ngeia kan eitur neih hmanga siam ve mai theih chaw hrang hrang siamdan inzirtirna leh siamhona hun hman a ni bawk.

April 2, 2022 Zing karah, Govt. T Romana College-te nen a thawkhoin Walkathon hman a ni a, Pi Lalianpuii, Director Women & child Development chuan Ei tur hrisel pawimawhna leh ei tur hrisel ei kawnga ram hmawsawnna hi thalaite mawhphurhna a nih thu sawiin he Walkathon hi a vai liam (flag off).

Distirct & Project Level-a hmalakna:

District leh Project hrang hrangah he Poshan Pakhwada hi hman ve mek zel a ni a.

March 30, 2022 khan Health Department nena thawkhoin Anaemia (Yhisen tlakchhamna) chhungchang inzirtirna, Anaemia test runpui, tleirawl, nu naupai leh nau pawmte nen District hrang hrang leh Project hrang hrangah neih a ni.

March 31, 2022 khan Ayush Department-te nen Anaemia laka invenna leh in enkawl dan tur District & Project Level-ah neih leh a ni.

April 1 , 2022 khan District Level-ah leh Project Level-ah Receipe Contest leh ECCE ( Early Childhood Care and Education)  Video Clip Competition neih a ni a, he intihsiakna hi Anganwadi Centre aduh apiang tan tel theih a ni a, Ei tur tha, kan ban phaka kan thar leh kan siam ve mai theih atana Receipe intihsiakna leh Early Childhood Care and Education chungchang video siamin intihsiakna neih a ni. 

April 2, 2022 hian Project tinah POSHAN Walk huaihawt a ni bawk.