PATHIAN RAM BEISEITU JOSEFA KHA

- V Lalnunthara V Thanga

Isua Thawhlehna chanchinah hian Kraws ler atanga a ruang la thla tu, a ruka Isua zirtir, pa hausa tawk tak, Arimathaia khua ami Josepha chanchin hi ngaihnawm ve tak niin ka hria. Marka ziakin a sawi dan chuan Pathian ram beisei ve bawk a ti a, he tawngkam 'Pathian ram beisei mi' tih hi a mawi chungchuang hle. Khatia Pilata hnen atanga Isua ruang la thla a, phum a dil hnu khan Josepha leh Nikodema chuan an buaipui ber a, Nikodema hi sipai za hotu pakhat, Isua'n 'I piangthar tur a ni' ti a counseling class a pek a kha a ni a, Nikodema hian Isua ruangah hian hriak rimtui a rawn chulh nghe nghe a. Hemi hnu hian Josepha'n ama thih huna thlan a lo siam lawk ngei ah chuan Isua chu an zalh ta a.

 

Josepha'n Isua ruang a buaipui a, a tih dan zawng zawng an hriat chuan Juda upa te chu an lungni ta lova, zawhna an zawt a, Josepha erawh chuan a chhang a, 'mi fel leh tha tihsual nei hauh lo in khenbeh hnu ah leh a naka fei a inchhun hnu ah pawh inchhirna in la nei chuanglo amaw?' tiin. Juda upa te thinrim chuan an man ta a, tan inah an khung ta a, Josepha erawh chuan 'Pathian Fapa in khenbeh taka khan nangni kut a ta hi min chhanchhuak thei, in tihsual chu in chungah a la tla dawn a ni'

tiin a chhang zui a. 

Sabbath tukah chuan tan in ata chu Josepha chu a lo awm ta lo a, a hnuah chuan an khua Arimathai ah a let leh tawh tih an lo hria a, a hnu deuhah chuan Juda upate pawhin an rilru te thlakin, a hnenah lehkha thawnin ngaihdam an dil ta a, Jerusalem a lo let leh turin an ko va, Jerusalem a a lo let leh hian khatia tan in ata a chhuah dan kha an hrechak viau ni tur a ni, an han zawt ta a, Josepha chuan Sabbath tukah zanlai pelah la awmna ah a lo eng phut mai a, Isua a ni tih ka hre mai lova, Isua chuan min rawn tlawh a, Arimathai a ka khumah min dah ta a, ni sawmli chu in chhuahsan lo turin min ti alawm tiin a hrilh a, mak an ti hle a ni.

Josefa ang hian eng dinhmunah pawh Pathian ram i beisei ve tlat ang aw.