Ticker

10/recent/ticker-posts

Municipal Councillor leh Local Council member te tan workshop buatsaih

Aizawl | April 6, 2022: Vawiin khan Assembly Annexe Conference Hall, Treasury Square ah Implementation, Monitoring and Localization of Sustainable Development Goals tih thupui hmangin Municipal Councillor leh Local Council member te tan workshop neih a ni a. Planning & Programme Implementation Department buatsaih he program hi Pu Lalrinenga Sailo, Mayor AMC chuan a hmanpui a ni.


He workshop hi Pu Isak Lalmuanpuia Chuaungo, Economist-cum-Under Secretary, Planning & Programme Implementation Department in Sustainable Development Goals awmzia leh nihphung zirtirna pe in, SDGs tih hlawhtlinna kawnga Mizoram thlenchin leh dinhmun tlangpui sawi zauvin, sawrkar hmalakna hrang hrang te a a tarlang a ni.

Aizawl Mayor Lalrinenga Sailo 

Chawhnu session-ah Pu Lalchhuanawma Hrahsel, Sr. Consultant chuan AMC huam chhung bika SDGs tih hlawhtlinna tur tehfung duan hrang hrang te sawifiahin Local Council member te nen inrawnkhawmna hun hman a ni a, sawihona leh inrawnkhawmna neih a nih hnuah Pi Biakthansangi, Deputy Adviser-Deputy Secretary in lawmthu sawiin hun hnung a khar a ni.

- DIPR
Post i hmuh dan

Post a Comment

0 Comments