Ticker

10/recent/ticker-posts

Import License diltute hnena NOC pek chhuah chungchangah fimkhur turin MHA in sawrkar hotute a hriattir

Aizawl | April 6, 2022: Union Home Ministry chuan ram dang atanga restricted items la lut tura phalna Import License diltute hnena No Objection Certificate pek chhuah kawngah fimkhur turin sawrkar hotute a hriattir.


MHA chuan restricted/negative list a tel import dilna chungchangah proposal a dawng fo thin a. Heng proposal a dawn te uluk taka zirchiangin proposal tam tak chu rinhlelh kai leh sawrkar dan zawm famkim lo an awm tih a hmu a. Single tender method a kalpui an nih tlangpui avangin competition leh transparency a awm thei lo a. Original Equipment Manufacturer phalna mumal an nei lo fo a. Manufacturer inti thenkhat chu an item import tur atan dealer emaw manufacturer emaw an ni lo tih a hmu a. Profit margin nasa takin a sang a. India Sawrkar kalpui mek “Make in India” chu an ngaihthah hulhual a ni, tiin MHA chuan an lehkhaah hian an ziak.

MHA chuan license diltu agency ten Govt/CVC guidelines zawm kim tur te, Make in India leh rule 161(iv) of GFR zawm tur te, supply order an siam laiin profit margin sang lutuk lo tura fimkhur turin a hriattir a. CAPF/State/UT zawng zawnga police organisation te chu a tul anga hma la turin a hriattir a ni.

DGFT ah proposal an thehluh rualin Supply Order, End User Certificate, ANF Form, OEM detail leh Importers Exporters Certificate thil tel turin a hriattir bawk.


- DIPR
Post i hmuh dan

Post a Comment

0 Comments