Kum hnih hnuah Sikul hawng ṭan leh; MZP in sikul hawn lawmawm ti

Aizawl | April 5, 2022: Hripui leng vanga kum hnih chuang sikul khar a nih hnuah vawiin aṭang khan Mizoram pumah sikul hawn leh a ni.


Vawiin sikuk hawn ṭan niah hian Sawrkar ngenna angin sikul hrang hrangah ṭan hmain zirlaite'n State hla 'Ro min relsak ang che' an sa rual.

Mizo Zirlai Pawl (MZP) General Headquarters chuan vawiin atanga sikul tan a ni ta chu lawmawm a tia, Zirlaite hmakhaw ngaia Mizoram sawrkar hmalakna chu lawmawm a ti hle, tih thuchhuah siamin an tarlang.

MZP chuan, "Hripui vanga kum hnih chuang zirna in khar a nih hnuah School Education Department hmalaknaa vawiin atanga zirlai nawlpui tana sikul hawn tan a ni leh ta hi MZP chuan lawmawm a ti hle a, hemi atana School Education department hotute inpekna leh thahnemngaihna fakawm a ti takzet a ni." tiin an tarlang a.
MZP chuan, Sikul thuneitute chu hripui laka zirlaite bakah mipui him zelna atan sorkar dan siamte zawm chunga zirtirna kalpui hram hram turin a ngen a. Zirlaite hi Mizoram nghahfak an ni tih hriaa zirtirna kalpui kawngah zirlaite himna ngaipawimawh a, sawrkar dan siam leh ruahmanna siamte zah tak chunga kal turin an ngen bawk.

MZP chuan, zirlai nu leh pa, zirlai thlahtute pawh hripui laka kan him zawk nan a theih chinah sawrkar dan siam zawm a, mask vuah ngaipawimawh turin an ngen bawk.

Post a Comment

0 Comments