Ticker

10/recent/ticker-posts

KTP GENERAL CONFERENCE 2022-A KOLASIB KHAWPUI CHHUNGA LIRTHEI TLAN DAN TUR CHUNGCHANGA KOLASIB S.P. THUCHHUAH

Kolasib | April 27, 2022: Superintendent of Police, Kolasib District chuan KTP General Conference chhunga Lirthei tlan dan tur a hnuaia mi ang hian thuchhuah a siam.


Mizoram State sawrkar Notification No. B.12021/10/2004-TRP dt 01.06.2020 in thuneihna a pek angin leh Section 115 leh 117 MV Act 1998 (Act No. 59 of 1998) tlawh chhanin Presbyterian Kohhran, Kristian Thalai Pawl General Conference 5th - 8th May 2022 Diakkawn Field Kolasib a neih hun chhunga Kolasib Khawpui chhung a, Lirthei tlandan leh khuahkhirhna a hnuia tarlan ang hian a siam a. Hei hi ke a kal mipui leh Lirthei khaltu te an him tlan zawk nan a ruahman a ni. He thupek hi Dt: 5th - 8th May 2022 chhung chauh hman tur a ni.

· HEAVY VEHICLE/BUS SERVICE :

1. Khuangpuilam atanga Bus service chuan an mi phurhte dropping zone (Kumtluang run bul, NH-306) a chhuktirin NH-306-ah an tlan tlang ang a, Diakkawn TrafficPoint-ah kualin an hmunah an kir zel ang. Tin, pick up leh tur pawhin an tlan dan ngai ang a tlanin an dropping-na hmunah pick up-in an kir tlang leh zel ang.

2. Saidan/Hmarveng/Tumpui/Venglai (X zone) atanga Bus service chu main road zawhin Hmuaka Tyre works peng, Diakkawn-ah an mi phurh an drop ang a, Bethel tuikhur chhak Masihi Sangati biak in hel kuala turn-in an kir ang a, CZS Traffic point atanga Parkkawn lama kirin Convent road kaltlangin Banglakawna chhuakin an hmun an pan ang.

X zone atanga Bus service ten inkhawm bangte pick up turin Police Beat Post/Traffic Office bul National Highway sir ah an lo ding ang.

3. Electric veng/Venglai East (Y zone) atanga inkhawm kal thlah turte chu LAD road (Thirhruibankawn - Saidan via Ramhlun veng) zawhin CZS traffic point a chhuakin Police beat post bul, New Diakkawn-ah an mi phurh an drop ang a, Bethel tuikhur chhak Masihi Sangati biak in hel kuala turn-in an kir ang a, CZS traffic point atanga Parkkawn lama kirin Convent road kaltlangin Banglakawna chhuakin an hmun an pan ang.

Y zone atanga Bus service ten Diakkawn Hmuaka Tyre works bul National Highway sir ah inkhawm bangte pick up turin an lo ding ang.

4. Project Veng/College Veng (Z zone) atanga Bus service chu CZS traffic point ah chhuakin C.P. road peng, Upa Lalthansiama in bul (New Diakkawn leh Vengthar inrina)-ah an mi phurh an drop ang a, Bethel tuikhur chhak Masihi Sangati biak in hel kuala turn-in an kawng ngai zawhin an kir leh ang.


Z zone atanga Bus service ten Kolasib Vengthar, Upa Lalthansiama in bul National Highway sir ah inkhawm bangte pick up turin an lo ding ang.

· LMV LEH A HNUAILAM INKHAWM KAL TURTE :

1. Pandal chhim lam atanga Inkhawmpui palai Pandal hmuna thlah turte chu Kumtluang Run atangin Vengthar, Soil mualah chhukin Vengthar Presbyterian Biak in road-ah an mi phurhte an drop ang a, Bethel tuikhur panin NH-306 ah an tlan chhuak chho vang. Tin, Soil mual chhuka tlan tlang duh tan Pu Sapmawia in bul, Vengtharah an mi phurhte an drop thei bawk ang a, Tourist Lodge kawng lam tlan tlangin Leitanah emaw MYC Coaching Centre bul kawngah emaw tlan chhovin NH-306 a pawh thei bawk ang.

2. SIRD/ICAR/KVK atanga lirthei (LMV), two wheeler, etc. atanga inkhawm tur chu kawng hnuai (Tourist Lodge) kawngah kal lam leh haw lam an tlan thei ang a, Pu Sapmawia in bul peng thuamah an mi phurhte drop-in an pick up thei ang.

3. Hmarveng/Tumpui/Venglai atanga kal chu main road zawhin Diakkawnah Hmuaka Tyre Works. peng atanga CP road lama lut chhovin dropping zone (Upa HD Darrobuanga te in kawt) ah an mi phurh an drop ang a, Diakkawn Bazar road ah tlan tlangin Nursery veng pengah Salem veng emaw College veng emaw lama tlanin Parkkawn atanga Convent road ah tlanin Banglakawn/St. John’s HSS pengah an chhuak ang.

4. Electric veng/ Venglai East atanga inkhawm kal thlah turte chu LAD road (Thirhruibankawn - Saidan via Ramhlun veng) zawhin Ramhlun veng atanga NH-306 pawhin Diakkawn an chhuak chho ang a, Diakkawnah Hmuaka Tyre Works peng atanga CP road lama lut chhovin dropping zone (Upa HD Darrobuanga te in kawt) ah an mi phurh an drop ang a, Diakkawn Bazar road ah tlan tlangin Nursery veng pengah Salem veng emaw College veng emaw lama tlanin Parkkawn atanga Convent road ah tlanin Banglakawn/St. John’s HSS pengah an chhuak ang.

5. College veng atanga kal tur LMV leh a hnuailam chu Bakpuk road atanga Salem veng mawng lama kalin Pandal thlang, Vengthar peng/AG veng pengah an mi phurh an drop ang a, Jubilee road, Diakkawn bazar bulah chhuakin Nursery vengah lutin Raw lui kawng atangin College veng an pan ang.

6. Project veng atanga kal chu CZS traffic point atanga Diakkawnah Hmuaka Tyre Works. peng atanga CP road lama lut chhovin dropping zone (Upa H. Darrobuanga te in kawt) ah an mi phurh an drop ang a, Diakkawn Bazar road ah tlan tlangin Nursery veng pengah Salem veng lama tlanin Raw lui kawng atanga College veng pawhin an hmun an pan ang.

7. Salem veng atanga kal chu CT bakery in bul atanga Diakkawn pawhin Hmuaka Tyre Works. peng atanga CP road lama lut chhovin dropping zone (Upa H. Darrobuanga te in kawt) ah an mi phurh an drop ang a, Diakkawn Bazar road ah tlan tlangin Nursery veng pengah Salem veng lama tlanin an hmun an pan ang.

8. Inkhawmpui palai inkhawm lirthei Pandal thleng kal tur (Official) chu Kumtluang Run atangin Vengthar, Soil mualah chhukin Pandal lamah lutin an dahna tur hmun an pan ang.

III. ONE WAY :

1. CP road hi hmar lam atang chauhin an lut thei ang a, NH-306 atanga New Diakkawn biak in bul kawngah CP road pawh zawngin lirthei eng chi mah tlan phal a ni lo.
2. Vengthar Presbyterian biak in kawngah, Bethel mual lam atanga Soil mual lam panin lirthei eng chi mah tlan phal a ni lo.
3. Vengthar MYC Coaching Centre bul kawngah chhuk zawngin lirthei eng chi mah tlan phal a ni lo.
4. Diakkawn Nursery veng peng atanga Pandal lam kawngah (Puk Lui phei) lirthei eng chi mah tlan luh phal a ni lo.
5. Diakkawn square atanga Diakkawn YMA Hall panin (CT bakery In bul kawng) lirthei tlan phal a ni lo.
6. NH-306 atanga LAD road pawhna Ramhlun veng kawngah chho zawnga lirthei tlan phal a ni lo.
7. St. Johns HSS leh Parkkawn inkar Convent road ah hmar lam atanga lirthei tlan phal a ni lo.
8. Dr. Sawmpuia(L) in bul Diakkawn leh Diakkawn square inkar Apex Bank road ah Diakkawn panin (chhuk zawngin) lirthei tlan phal a ni lo.
9. Raw lui kawngah College veng lam atangin Salem veng panna luh phal a ni lo.
10. Salem veng kawng hnuai Jubilee road atangin New Diakkawn AG Veng lamah lirthei eng chi mah luh phal ani lo.
11. National Highway atanga Ramhlun veng kawng (LAD road pawh) zawngin lirthei tlan phal a ni lo.


VI. MOTOR DAH/HUN PHAL LOHNA :

(Heng hmunah te hian zing dar 7:00 atanga zan dar 12:00 inkarah lirthei eng chi mah kawngkamah dah/hun phal a ni lo)

1. Parkkawn - CSZ Traffic point inkar
2. Parkkawn - Leitan Pu L. Sawirema in inkar
3. CZS traffic point - Diakkawn YMA hall inkar
4. Diakkawn Presbytarian Biak In atanga Diakkawn Square inkar i.e Apex Bank road.
5. CT Bakery te in leh Diakkawn Sq. panna inkar
6. New Diakkawn Presbyterian biak in leh CP road inkar
7. Soil mual atanga Bethel tuikhur mual, Vengthar Presbyterian biak in panna kawng
8. CZS traffic point leh Diakkawn Sq. inkar kawng.
9. Diakkawn bazar - Pandal inkar (Puk Lui phei)
10. NH 306 Vengthar Kumtluang Run leh Diakkawn CP road peng(Hmuaka Tyre Works) inkar.
11. Salem Veng Bak Puk road leh Diakkawn Bazar Jubilee road inkar.
12. Pandal leh Pu Sapmawia In Kolasib Vengthar inkar.

VII. TWO WHEELER A INKHAWMA KALTE PARKING :
1. Nl. Remsiami in hmun, Vengthar - Official/Organising Commt.
2. Soil Deptt. RO Complex, Vengthar - Official/ Organising Commt.
3. Diakkawn Govt. MS kawt zawl, Vengthar - Official/Traffic & Security/Refreshment
4. New Diakkawn, Hermon Veng kawng dung - Sub-Commt/Ushers
5. PS-VI kawt zawl, Salem Veng - Two Wheeler
6. PS-IV kawt zawl, Forest tlang - Two Wheeler
7. Home Mission School kawt - Two Wheeler
8. Fundamental Baptist Biak In kawng dung - Two Wheeler
9. Forest Office kawt (Forest tlang) - Two Wheeler

VIII. Heng khuahkhirhna siam te hian Emergency duty: Police, Excise, Medical team, Fire service te a huam lovang.

HRIATTUR PAWIMAWH:

· Inkhawmpuina atana lirthei keng leh hmang zawng zawngin duty te hmuh mai theih turin Inkhawmpui Palai an ni tih hriat theihna tur thuziak an tarlang vek tur a ni.

· Inkhawmpui chhung zawng lirthei eng chiah pawh a neitu/driver biak pawh mai theihna turin Contact No. dah/tarlan vek tur a ni.


- DIPR
Post i hmuh dan

Post a Comment

0 Comments