FIH Women's Junior World Cup-ah India tan Didiki'n goal khung leh ta!

 • FIH Women's Junior World Cup-a India tan goal 3 a khung tawh

Aizawl | April 5, 2022: FIH Women's Junior World Cup khelh mekah Mizo player an che tha. Lalrindiki (Didiki) chuan Malaysia lakah goal khungin India chu 4-0 in hnehna a chanpui.


India tan Didiki goal a khung bakah assist a nei a, ani bakah Mumtaz-i'n goal hnih a khung a, Sanita chuan goal khat a thawh bawk.

India hian pool match vawi thum an khelhah hnehna an chang vek. Malaysia hma hian Wales (5-1) leh Germany (2-1) te in an lo hneh tawh bawk.

Tournament neih laiah Didiki'n goal thum a khung tawh. Lalremsiami Hmar chuan goal hnih a nei tawh bawk - Siami hian team tha ber Germany lakah a ti goal.


Defender Marina Lalramnghaki pawhin hmun pawimawh a chang thin - Malaysia lakah erawh Marina a inlan lo. Germany an hneh tumin Didiki a inlan lo ve thung bawk; Siami erawh a la khel kim vek.

India hian quarterfinal-ah chuan South Korea an hmachhawn leh ang.



FIH Women's Junior World Cup 2021, South Africa a April 1, 2022 aṭanga khelhah hian India Jr. Hockey Women Team-ah Lalremsiami, Marina Lalramnghaki leh Lalrindiki an tel a ni.

Remsiami, Didiki, Marina


Ngaihven hlawh Didiki
 - Hockey Star thar Didiki chanchin





Post a Comment

0 Comments