Common University Entrance Test hmachhawn tumte'n MZU thuchhuah ngaichang turin ngen

Aizawl | April 11, 2022: Mizoram University chuan thuchuah siamin, Common University Entrance Test (CUET) 2022 a Mizo zirlai in register tum leh exam tumte tan Mizoram University thuchhuak lo ngaichang turin a ngen.

MZU chuan, "Online Admission tih tum Mizo zirlaite kaihhruaina atan tun atanga reilote ah ZONET cable TV ah admission portal a in ziahluh dan inzirtirna hun buatsaih a ni ang." a ti a.

CUET 2022 hian MZU hnuaia Constituent College Pachhunga University College a luh tumte a huam a, India ram chhunga Central University hnuaia luh tum zawng zawng pawhin he test hi admission atana an hman dawn avangin ngaipawimawh theuh turin MZU chuan zirlaite an ngen.

India ram University hrang hranga luh tumte tana exam buatsaih thar CUET 2022 hian Under Graduate (viz. B.A./B.Sc/BBA, etc) chauh a huam a ni.