Ticker

10/recent/ticker-posts

Zirtiri College NAAC 'A' grade college ni ta!

Aizawl | March 29, 2022: Tun hnaia NAAC team in an rawn endik hnu-ah Govt Zirtiri Residential Science College chu vawiin khan A Grade pek a ni.

GZRSC | Christopher Renthlei

Zirtiri College hian 2009 khan NAAC B Grade an lo hmu tawh a, tunah hian an building thar Durtlang lamah insawn tawhin March 23 khan NAAC team endikna hi an hmachhawn a ni.


Zirtiri College tia sawi mai ṭhin Govt Zirtirti Residential Science College hi Mizoram a science chauh zirna college awm chhun leh Home science zirna college awm chhun hi 1980 a bul ṭan a ni.

Zirtiri Residential Science College hi Pi Lalziki'n  kum 1980 a din niin, a tir chuan hmeichhe college angin kalin, kum 2000 khan college danga science department leh he college a home science zirna awm sa chu chhunfinin mipa leh hmeichhe kal kawp theihnaah leh a ni. 

GZRSC hi 2009 khan NAAC in B Grade a lo pe tawh a ni.

Zirtiri College hi Mizoram University ah inziaklutin, tunah hian department hrang hrang; English, Physics, Chemistry, Mathematics, Botany, Zoology, Bio-Chemistry, Electronics, Home Science, Computer Sciences leh Geology te a awm a. Zirlai 914 an awm mek a ni.
Post i hmuh dan

Post a Comment

1 Comments

He post chungchanga i ngaihdan lo sawi ve rawh: