Thingsiri Cultural Club-in New Delhi-ah Mizo hnam lam leh hla hlui entir

Aizawl | March 30, 2022: New Delhi khawpuia Kaleidoscope neih mekah Thingsiri Cultural Cluh chuan Mizo hla hlui leh hnam lam hrang hrang an entir.

Sangeet Natak Akademi, Ministry of Culture Govt.of India chuan KALEIDOSCOPE, A festival of intangible Cultural Heritage of India chu March 21- 30 chhungin Rabhidra Bhavan, New Delhi ah a buatsaih a, he hunah hian Thingsiri Cultural Club, Govt T Romana College chu sawm an nih angin club member pakua an tel.

He hunah hian Thingsiri Cultural Club te hian Mizo hla hlui hrang hrang an entir a, tin, Delhi a hmun pawimawh hrang hrangte Sangeet Natak Akademi in an fanpui.

Govt T Romana College - Thingsiri Cultural club hi kum 2010 khan din a ni a, Mizoram chhunga hnam lam intihsiaknaah vawi eng emaw zat lawmman an la tawh a, ram pawnah vawi tam tak Mizo hnam lam entirin an zin tawh bawk a ni.

Thingsiri Cultural Club member zinte hi GTRC Associate Professor Dr C Laldinsanga'n a ho a ni.