Social media luahtu mipa leh hmeichhe naupang lam thiam Tetea leh Ivy



Tunhnaia Mipa leh hmeichhe naupang lam video social media a lar, mi tam takin an duh rawnte hi tute nge an nih i lo belchiang ang.


Mizo social media khawih tam takin an ngaihven leh an duh. EXPLOREMIZORAM.COM in Instagram lama an lamna video a post pawh ngaihven a hlawh hle a, "kan tluk lo hle mai," tia comment a awm nual a ni.


Hmeichhia zawk hi 'Ivy Lallawmawmi' niin, 'Ivy' tia koh ṭhin a ni a, H Lalmuanpuii leh Fredie Lalchhanchhuaha te fanu niin, August 6, 2014 khan a piang.


Ivy te hi unau pahnih niin, nau mipa pakhat a nei. Republic venghlun-a cheng leh khawsa an ni a. Tunah hian Caroline elementary school-ah pawl 1 a zir mek.



Lam hi a tui ve hrim hrim thu a nuin sawiin, "Lam vel hichu kum 1 a tlin hma atang tawhin nia, a mah hian nuam ati ve hrim hrim a, zirna em em pawh a nei lo," a ti a, "Anu leh pa a chhungte hian kan tuipui khop mai." tiin EXPLOREMIZORAM.COM a hrilh.


Mipa zawk hi Lalbiakhlua niin, 'Tetea' tia koh ṭhin a ni a. Tetea hi Angela lalnunmawii leh Lalrinnunga te fapa neihchhun niin, December 17, 2013 khan a piang a. Republic venghlun a cheng leh khawsa an ni a. Presbyterian English School Republic-ah sikul a kal a ni.


Lam hi a tui ve hrim hrim thu a nu leh pa chuan an sawi a, "Lam hi chu a tui ve hrim hrim a. Zirna em em pawh awm lo. Amah hian a ti ve nawk nawk zel" tiin, nu leh pain an tuipui thu sawiin, "Tui pui teh reng mai." tiin EXPLOREMIZORAM.COM zawhna an chhang.











Post a Comment

0 Comments