Ticker

10/recent/ticker-posts

MZP-in Zophaia zirlaite tawrhna hre reng

Aizawl | March 10, 2022: Mizo Zirlai Pawl (MZP) General Headquarters chuan vawiin March 10, 2022 hian MZP Pisa Pui, Aizawl-ah March 10, 2018 a Zophai, Bairabi hmuna zirlaite tawrhna hriatrengna hun a hmang a. He hun hi President Pu Lalnunmawia Pautu chuan a kaihruai.


Kalkhawmte chuan, Zophaia Mizo zirlaite tawrhna hian India sawrkar laipui a au eih a. Mizo zirlaite thisen chhuak chuan Mizoram leh Assam in ramri buai a neih zia India sawrkar laipui a hriattir bakah, a hmunah ngei an rawn ngaihven phah a. Zoram mipuite pawhin ramri buai kan neih zia kan hriatphah bakah, ramri kan ngaihven phah a ni an ti a. Kan ramri a him loh zia pawh chiang takin mipui hriatah a tarlang chiang hle a ni an ti bawk.



MZP chuan Mizoram ramri buai hi chinfel a nih thuai theih nan, Mizoram sawrkarin chak lehzualin hmala chhunzawm zel se a duh takzet a. Sawrkar hmalakna hi uluk takin a enzui reng dawn a ni.

MZP chuan kum 2018, March ni 10 khan Bairabi Zophai, Pu Ch. Chhunga leiletah  Zofate Chawlhbuk sak a tum a. Mizoram chhung ngei Zophaia Zofate Chawlhbuk sa tura thawkchhuak Mizo zirlai pawisawilote hi Assam Police ten kut thlakin, ralpui phiarin an phiar a. Chu mai duhtawk lovin Mizo zirlai kut ruaka hnathawkte hi silai nena beih an ni. He hunah hian hliam tam tak awmin, silai mu tawngfuh pawh engemawzat an awm a. Zirlaite bungrua leh thawmhnaw pawh tam tak halchhiat a ni. Heng bakah hian Mizoram chanchinbumite pawh Assam Police-te hian nghaisain, hmeichhiate pawh zahngaihna telloa sawisak an ni.

MZP chuan khang Zophaia Mizo Zirlaite tawrhna kha a hre reng a, kuttuar leh thisen chhuak zawng zawng leh bungrua chan zawng zawngte pawh a theihnghilh lova. Ram leh hnam tana tuartu zawng zawngte zahna chibai a buk a ni.

_________________________________________________

MZP PRESS RELEASE
Aizawl, March 10, 2022

Mizo Zirlai Pawl (MZP) General Headquarters chuan vawiin March 10, 2022 hian MZP Pisa Pui, Aizawl-ah March 10, 2018 a Zophai, Bairabi hmuna zirlaite tawrhna hriatrengna hun a hmang a. He hun hi President Pu Lalnunmawia Pautu chuan a kaihruai a ni.

Kalkhawmte chuan, Zophaia Mizo zirlaite tawrhna hian India sawrkar laipui a au eih a. Mizo zirlaite thisen chhuak chuan Mizoram leh Assam in ramri buai a neih zia India sawrkar laipui a hriattir bakah, a hmunah ngei an rawn ngaihven phah a. Zoram mipuite pawhin ramri buai kan neih zia kan hriatphah bakah, ramri kan ngaihven phah a ni an ti a. Kan ramri a him loh zia pawh chiang takin mipui hriatah a tarlang chiang hle a ni an ti bawk.

MZP chuan Mizoram ramri buai hi chinfel a nih thuai theih nan, Mizoram sawrkarin chak lehzualin hmala chhunzawm zel se a duh takzet a. Sawrkar hmalakna hi uluk takin a enzui reng dawn a ni.

MZP chuan kum 2018, March ni 10 khan Bairabi Zophai, Pu Ch. Chhunga leiletah  Zofate Chawlhbuk sak a tum a. Mizoram chhung ngei Zophaia Zofate Chawlhbuk sa tura thawkchhuak Mizo zirlai pawisawilote hi Assam Police ten kut thlakin, ralpui phiarin an phiar a. Chu mai duhtawk lovin Mizo zirlai kut ruaka hnathawkte hi silai nena beih an ni. He hunah hian hliam tam tak awmin, silai mu tawngfuh pawh engemawzat an awm a. Zirlaite bungrua leh thawmhnaw pawh tam tak halchhiat a ni. Heng bakah hian Mizoram chanchinbumite pawh Assam Police-te hian nghaisain, hmeichhiate pawh zahngaihna telloa sawisak an ni.

MZP chuan khang Zophaia Mizo Zirlaite tawrhna kha a hre reng a, kuttuar leh thisen chhuak zawng zawngte, bungrua chan zawng zawngte pawh a theihnghilh lova. Ram leh hnam tana tuartu zawng zawngte zahna chibai a buk a ni.

Sd/-
(H. LALTHUTHLUNGA ZATE)
Secretary i/c Publicity

Post i hmuh dan

Post a Comment

0 Comments