Mizoram Police Manipur inthlan duty lirthei chesual-ah pakhat boral; Police 10 in hliam tuar!

Aizawl | March 2, 2022: Tukin zing dar 1:35 vel khan Manipur election duty-a kal, 2nd IR Battalion sipaite chuanna motor (pickup) chu Tamenglong College kawtah break fail avangin a chesual a, mi pakhat a boral.


Thudawnnain a tarlan danin, Motor-ah hian mi 15 an chuanga Constable K. Lalawmpuia (Maawmtea) kum 37, Champhai Zion veng chu a boral.

Constable Lalawmpuia (Maawmtea) hian a nupui Lalhmangaihzuali leh a fate pahnih; K Lalrindika leh K Lalhlukima te a kal san.


Lalawmpuia (Maawmtea) ruang hi Manipur atangin an chenna Champhai Zion veng panpui mek a ni.

He lirtheia chuang zingah hian mi 10 in hliam an tuar a, hliam tuarte hi SI RC Muana, Hav.Lalbiakmawia, Hav. V. L. Dingliana, Hav. R Lalbiaknunga, C/ Lalhunpuia, C/Lalmawizuala, C/Lalbiaknunga. C/R Lalnunmawia, Nk. Lalsawmliana leh Hav. Lalsangzuala te an ni. Hliam 10 zingah hian na zual deuh mi 5 an awm niin thudawn a ni.


Thudawnnain atarlan danin, Bishnupur District atangin 2nd IR te hian an duty-na hmun an sawn a, Tamenglong District-a an awmna hmun Tamenglong College chu motor lian a luh theih loh avangin motor lian thlen theihna chin atangin Pickup hmangin an inthiar a. Trip hnuhnung ber hi a brake a fail palh ta hlauh maia, chetsualna hi a thleng ta a ni. He chetsualnaah hian C/516 K. Lalawmpuia hi vanduai thlak takin a hmunah a boral.




Post a Comment

0 Comments