Aizawl | March 25, 2022: Mizo film thar 'Ni khat chauh' chu kan hmu thuai dawn.
EXPLOREMIZORAM.COM in thu a dawn danin he film hi April 8 tlai dar 5 hian Runmawi App ah tlangzarh a ni dawn.
'Ni khat Chauh' hi cheng 150 emaw 200 in en theihin a awm dawn a ni.
'Ni khat chauh' film hi Vanlalpeki Fanai thawnthu ziah behchhana siam a ni a. Director bakah Script leh Screenplay ziaktu hi Lal K Sailo niin, Sound leh editing a khawih te bawk a ni. Assistant Director hi a hlaphuah Siampuii Ralte hla sak 'Thawnthu tawp thei lo tur' vanga mi hriat hlawh Johntee Mizo a ni.
He film hi hmeichhe khawngaihthlak, a nuin mil lova a hnawhchhuah vanga nun khawlo ta leh mipa hmangaihna thuk tak tarlanna chanchin a ni.
He film buatsaihtu Lal K Sailo chuan, "He film buatsaih tur hian tunlai film maker te ngaihtuahin hmanrua leh budget a ropui lo hle," a ti a, "chu mai bakah Cast ho hi hnathawk lai leh zirlaite an nih hlawm avangin duhthu sam taka production kal pui theih a ni lova insit a na duh hle a ni." tiin an film siamnaah harsatna an tawh dan leh insit a nat zia EXPLOREMIZORAM.COM a hrilh.
A changtute:
Ni khat chauh changtute hi ṭhalaite hriat hlawh tak tak an ni hlawm a, A changtu ber 'Emily' hi Lawmzuali Pachuau niin, a changtupa ber hi Lalruatpuia a ni.
'Sawrkar Hna kher a ngai lo' vanga hriat hlawh Lalhmachhuani a inlan dawn a, Miss Mizoram 2020 finalist Lalramhlui Sailo a inlan dawn bawk a ni. Heng bakah hian B Malsawmtluangi hi a changtunu nu lemah a chang dawn a, ani bakah hian Zonuntluangi pachuau, Christina Laldinpuii, Rinfeli khiangte, Lalnunhlimi khiangte, Ramthianghlimi{Tei}, L Lalpekhlua, Mercy Lalmuanawmi, Pc.Rualtawna, Lalrindika khiangte, Faith Lalremsiama leh F Zodintluangi te an inlan dawn bawk a ni.
A thawnthu chu:
Hmeichhe pakhat Emily a awm a, bialpa te neiin hmeichhe fel pangai tak a ni a amah erawh chu apa hian a boral san tawh avangin a nu ho a awm an ni a, a nu lah chu bialpa neiin khawlai mi kan tih ang hi a ni a, a nu chuan a ngeih lo chho tak avangin a hnawtchhuak ta a a ni.
Tichuan a bialpa te unauin va zawngin an in a hruai haw an duh a, mahse an va hmu zo ta lo a. A bialpa pawh chu phai lamah a hna thar atan training kum thum lai neiin a awm bo leh ta zel a.
Chutia, a vavaihna lamah chuan thian ho inluah va tawng in ava zawm ve ta a. Mahse a rin loh deuh lam thil ruihhlo lam thil te leh hmeichhiat mipatna lam a mi fel lo tak te an lo ni hlawm a. Chutia awm chho ve ta chu loh theih lohin drug addict in a nun pawh chu a khawlo chho ve ta hle.
Chuti chuan tun hma a a bialpa chu a training zo lo haw tawh in a hna thar te a zawm a, zan khat chu an office zan over haw lam chuan hmeichhe ngaihtuah awm tak tak te chu khawlai ah hmu in an han bel chiang chu Emily te ho chu an lo ni reng a, a bialpa in chutia ava hmu ta mai chu eng dang sawi thei lovin a thinlungah a lo la thi reng reng lo a lo ni a, a lo la hmangaih reng a ni.
Mahse, Emily chuan hriatreng tlak ka ni tawh lo e tiin a lo nam sawn a, ti chuan a bialpa chuan a number tal te chu dil thei hramin a ngaihven zui leh ta a. Tichuan, a hmangaih tlat si avang chuan zah pawh dawn lovin a chhungte rem ti lo chung chu a buaipui chho ta a ni.
Emily chu a nun khawlohna avang chuan thih hlauhawm dinhmun ah te vawi eng emaw zah ding in a bialpa chuan a buaipui chho ta a, a tawpah drug over dose a a thih dawn mek lai chuan a mangangin Pathian a au ta a, a nun chhanchhuah in a awm leh ta a ni.
Post a Comment
He post chungchanga i ngaihdan lo sawi ve rawh: